CUIRACCUNA. Cuirac huauquigunaga canda yanapangahua manaun. Paigunata tucuibi casui. Aututa maibi shayachinata, maibi purinata, maibi tiyarinata, shuc nishcagunatas casui.

BAUTISARINA. Plataforma ñaupacpi bautisaringarauccunaraicu sillagunata charishun. Sabado tutamanda bautisarina discurso chara mana tiagllaita chi sillagunaibi tiyarina manaun. Huin bautisaringarauccunami shuc toallata, mana pinganayacta llachapata churarina chanaun.

CULLQUITA CUMBIRANA. Ali sillagunata charingahua, audio y videota charingahua, ashca cullquita gastashcanchi. Caigunaga cai asambleata gustuta charingahua, Jehovama caillayangahua yanapaitucunchi. Camba cumbirashca cullquiga cai gastashcagunata pagangahua, mundu intiruibi predicasha catingahua yanapan. Can cumbirasha yanapangahua, asamblearaicu tandarina huasibi ashca cumbirana cajungunata churashcanchi. Chasna acpihuas, can ushashaga donate.jw.org internet pistuibi camba cullquita cumbirana ushangui. Can yanapashcamanda ashcatami pagrachunchi. Cuerpo Gobernantemanda huauquigunaga mundu intiruibi predicasha catingahua can shungumanda cumbirashca cullquihuan yanapashcamanda ashcata pagrachunaun.

UNGUSHCAGUNATA AMBINA. Cai pistuga sinzhita susirishcagunaraiculla man.

CHINGARISHCATA HUACAICHINA. Ima chingarishca cosascunataga cai pistuibi saquina manaun. Can imatas chingachishca ashaga cai pistuma mascangahua ri. Chingarishca huahuagunatas chi pistuma apangui. Chasna acpihuas, mana huinguna turmintarinauchun, canguna huahuagunata cuirapaichi, canguna mayanbi charichi.

SILLAGUNA. Shuccunata yanapana munashcata ricuchichi nisha mañanchi. Camba aillugunata, canhuan autuibi shamuccunata, canhuan causaccunata, canhuan Bibliata estudiaccunatas, paigunaraiculla sillagunata api. Can mana tiyaringaraushca sillagunaibi ima cosascunata ama chuaraichu.

SHUCCCUNATA MUNASHA YANAPANA. Asambleaibi yanapana munashaga, Departamento de Informacion y Servicio Voluntario nishca pistuma ri.

Testigo de Jehovagunamanda Cuerpo Gobernante huauquiguna caita alichishcauna