Huañui tiajpica tucuicunallatami ninanda llaquirinchi. Chaimandami huañuimandaca na parlangapaj munanchi. Shinapash huañuica tucuicunatami llaquichin.

Ñucanchi taitamacuna, huarmi o huahuacuna cungashcapi huañujpica ushashcatami llaquirinchi.

Antoniopa taitataca shuj carro huactashpami huañuchirca. Antonioca ninmi: “Ñuca taita huañujpica pipash ñuca huasita vichashpa llaveta quichujpishnami sintirircani. Cutinbaca na ricushachu yashpami ñuca taitataca yarini. Ninanda llaquirijujpipash ñuca taitaca huañushcami can”.

Dorothyca anglicana religiondami catin. Paica chai religiondami huahuacunaman yachachin. Paipa cusaca 47 huatacunata charijpimi huañurca. Huañushca jipa causashpa catinchimi nishpapash Dorothyca paipa pastortaca tapurcami: Huañushca jipaca ¿imata pasan? nishpa. Shina nishpa tapujpimi pastorca “chaitaca pipash na yachanchichu, huañushpami yacharinga” nirca.

Shinapash ¿huañushpachu ima pasanataca yachana canchi? Shinaca huañushpa ima pasanata ricupashun.