33 watapi Jesús manaraq hanaq pachaman ripushaspan kutimunanmanta willarqan. Jesusqa huk allin wiraqochanwanmi rikchʼanachikurqan, chay runaqa karu llaqtamanmi rirqan rey kananpaq nombramiento chaskikuq kutimuspataq kamachikuq kapurqan. Chay hinallataqmi Jesuspas kutimunan karqan runakunata sumaqta kamachinanpaq (leey Lucas 19:11, 12).

¿Imaynatan Jesús kutimun? Jesusqa espiritupin kawsarichisqa karqan (1 Pedro 3:18). Hanaq pachaman ripuspan Jesusqa Taytanpa paña ladonpi tiyaykurqan (Salmo 110:1). Unay tiempomantataq “Yuyaq Runaman” otaq Jehová Diosman qayllaykurqan, Paymi Jesusman kay pachapi runakunata kamachinanpaq atiyta qorqan. Chaymi Jesusqa rey hina espiritupi kutimurqan manan aycha cuerpopichu (leey Daniel 7:13, 14).

Jesusqa angelninkunawanmi espiritupi kutimunqa llapa runakunata juzgananpaq. Llapa mana allin ruwaq runakunatan chinkachinqa Paypa kamachikusqanta kasukuq runakunamanmi ichaqa wiñay kawsayta qonqa (leey Mateo 25:31-33; Salmo 37:9-11).

Kay Hallpʼatan sumaq paraisoman tukuchinqa, hinaspapas wañupuqkunatan kawsarichinqa chaypi paykunapas sumaqta kawsanqaku (leey Salmo 37:29; Juan 11:25).