JUCHA

Diosqa ñaupa tayta-mamanchis Adanta Evatawanmi kamarqan payman rijch’akuqta, chaymi paykunaqa atirqanku Dios jina munakuq kayta thajpi kausaytapas (Génesis 1:27; 1 Corintios 14:33; 1 Juan 4:8). Paykunaqa manan Diospa kamachisqanta kasukurqankuchu, chhaynapin juchaman wañuyman urmarqanku. Wawankuna kasqanchisraykun noqanchispas juchayoq kallanchistaq chaymi wañunchispas (Romanos 5:12). Runakunaqa juchayoq kasqanchisraykun mana allinkunata yuyaykunchis facil-llatan ch’aqwatapas jatarichinchis (Génesis 6:5; Marcos 7:​21, 22).

GOBIERNOKUNA

Diosqa manan runapura kamachinakunanchispaqchu kamawarqanchis, chaytan Bibliapas nin: “Manan runaq munayninchu chay ñanpi thaskirinallanpas”, nispa (Jeremías 10:23). Chayraykun kay pacha gobiernokunaqa manapuni guerrakunata ch’aqwaykunatapas tukuchiyta atinkuchu.

SAQRA SUPAYNINKUNAPIWAN

Biblian nishan: “Lliu kay pachan ichaqa Satanaspa makinpi kashan”, nispa (1 Juan 5:19). Saqraqa mana khuyapayaspan runakunata wañuchin (Juan 8:44). Paypas supayninkunapas runakunatan tanqashallan ch’aqwayllapi guerrallapi kanankupaq (Apocalipsis 12:​9, 12).