Yachachikuypa kasqanman rinapaq

Yachachikuyman rinapaq

Qamkunapa kapuqnikichikmi hukkunata yanaparqa

Qamkunapa kapuqnikichikmi hukkunata yanaparqa

TAWA chunka isqonniyoq watapim. “Iñiqkuna ukupi allin reqsisqa” Pedro, Jacobo hinaspa Juanmi, Pablotawan Bernabeyta nirqaku: huklaw nacionniyoq runakunaman predicaspankupas wakchakunata mana qonqanankupaq (Gal. 2:9, 10). ¿Imaynatam chay rurayninkuta cumplirqaku?

Chayta imayna rurasqantam qawachin cartakuna apachisqanpi. Corintopi iñiqkunaman qellqasqanpim nirqa: “Galacia lawpi iñiqkunaman kamachisqaypi hinayá wawqe-panikunapaq ofrendaykichikta huñuychik. Sapakamayá sapa domingo huñuychik ofrendaykichikta ganasqaykichikman hina chaynapi chayamuptiyraq mana huñuchkanaykichikpaq. Chayamuspayñataqmi ofrendaykichiktaqa cartantinta apachisaq Jerusalen llaqtaman akllasqaykichik runakunawan”, nispa (1 Cor. 16:1-3).

Iskay kaq cartanta Diospa yanapakuyninwan qellqaspanmi, Pabloqa imanasqa ofrenda huñusqankuta nirqa: “Kunanqa kapusuchkankichikmi mana kapuqniyoqkunaman qoykunaykichikpaq, hukpiñataqmi paykunapa kaptin pisisuptikichik qosunkichik”, nispa (2 Cor. 8:12-15).

Romapi iñiqkunaman 56 kaq watapi Pablo qellqaptinmi ichaqa, manaña ofrendakunataqa huñurqakuñachu. Pablom nin: “Kunanmi ichaqa Jerusalentaraq richkani wakpi iñiqmasinchikkunaman yanapakuyta apaspay. Kay yanapakuytam kusisqallaña huñuykunku Macedoniapi hinaspa Greciapi yachaq wawqe-paninchikkuna chaynapi Jerusalenpi wakcha iñiqmasinchikkunaman apachiwanankupaq”, nispa (Rom. 15:25, 26). Chay ruraynintam Pabloqa mana unay tiempoñachu ruranan karqa, Jerusalenman kutiptinmi presocharurqaku chaymi Felix sutiyoq Romapi prefectota nirqa: “Jerusalen llaqtaman[mi] kutirqani wakcha judiokunapaq yanapakuy qollqeta apaspay chaynataq Diosmanpas ofrendaykunata qonaypaq”, nispa (Hech. 24:17).

Macedonia lawpi iñiqkunamanta rimaspanmi Pabloqa nirqa: “Anchatam ruegawarqaku qollqe chaskinaykupaq, yanapaytam munarqaku”, nispa. Chaynam punta pachak watapi cristianokunaqa karqaku, Corintopi iñiqkunatapas Pabloqa kallpancharqam qatipakunankupaq, kaynatam nirqa: “Sapakamayá qochun sonqonpi tanteasqanman hina, ama llakikuspachu nitaq obligasqachu, Diosqa kuyan kusikuywan qoqtam”, nispa. ¿Imataq kallpancharqa qokuykuq kanankupaq? Paykunaqa manam iñiqmasinkuta yanapayllatachu munarqaku, aswanqa chay qosqankuwanmi Diosta agradecekurqaku (2 Cor. 8:4; 9:7, 12). Ñoqanchikpas qatipakuchwanmi paykunapa chayna kasqantaqa, manam iskayrayachwanchu qokuykuq kasqanchikmanta Jehová Dios yanapawananchikmantaqa. Arí, Diospa bendicionninmi astawanqa apuyachiwanchik (Prov. 10:22).

KAYNATAPAS YANAPACHWANMI ENTERON PACHAPI PREDICAKUNANPAQ

Pablopa tiemponpi hinam, kunanpas achka iñiqmasinchikkuna qollqenkuta rakinku “Obra mundial” sutichasqa cajachaman churanankupaq (1 Cor. 16:2). Apachiwaqtaqmi nacionnikipi Jehová Diospa testigonkunapa Betel wasinmanpas. Pipa sutinpi apachinaykita yachayta munaspaqa, nacionnikipi Betel wasita qayay otaq qellqay. Direccionnintam tarinki Internetpi www.jw.org/contact niqpi. Qatiqninpim kachkan imaynakunata qonapaq:

QONMANKUM MANA KUTICHIPUSQAÑA KANANPAQ

  • Qowaqmi qollqenpi, alhajakunapi otaq imapas chaninniyoq kapuqnikitapas.

  • Kanantaqmi huk cartapas, chaypim ninan qollqeqa otaq imapas qosqaykiqa mana kutichipunapaq kasqanta.

QONMANKUM KUTICHIPUSQA KANANPAQ

  • Qowaqmi qollqenpi hinaspa haykapipas munaptiki kutichipusunaykipaq.

  • Kanantaqmi huk cartapas, chaypim ninan qollqeqa otaq imapas qosqaykiqa kutichipunapaq kasqanta.

TANTEASPA QONAMANTA

Qollqeta hinaspa chaninniyoq kapuqninchikta qospapas, allpantinpi predicacionta imayna yanapanamantam qatiqninpi tarinki. Imaynata qonaykipaq tanteaspaqa, nacionnikipi Betel wasita tapuy qatiqninpi kaqkunamanta mayqenkuna ruray atikusqanta. Autoridadkunapa kamachikuy horqosqankuwan impuesto paganapaq leyninkuqa cambiarunmanmi, chaymi allinta tanteanapaq chaymanta yachaqkunapa yanapakuyninta maskananchik.

Bancopi qollqeta. Bancopi qollqe churasqanchikta, qollqe churasqanchikpa mirayninta hinaspa jubilakuptinchik churamusqankutapas qonchikmanmi Asociación de los Testigos de Jehová nisqaman necesitaptinchik kutichipuwananchikpaq otaq wañukuptinchik paykunaman qosqa kananpaq, chaytaqa rurana bancopi leykunaman hinam.

Hukkunawan empresata ruraspa. Atinchikmanmi empresapi tupawaqninchik qollqeta Asociación de los Testigos de Jehová nisqaman qoyta hinaspa wañukuptinchik tupawaqninchik qollqe saqeytapas.

Allpata otaq wasitapas. Mana imallapaqmi qochwan rantikuy atina allpanchikta otaq wasinchiktapas, ichaqa chaypiraq yachaptinchikqa wañukunakamam ñoqanchikparaq kanqa.

Sapa wata impuesto pagananchiktapas. Acuerdota ruraspam sapa wata tukuyta impuesto pagananchik qollqeta qochwan Asociación de los Testigos de Jehová nisqaman, paykunañataqmi watapi huk kutita qonman nisqanchik runaman. Kayna qosqanchikmi wata tukuypi impuesto pagananchikta menosyachin.

Testamentota hinaspa acuerdota ruraspa qonamanta. Qonchikmanmi imapas kapuqninchikta otaq qollqenchiktapas Asociación de los Testigos de Jehová nisqaman, notariopi testamentota ruraspa otaq necesitaptinchik kutichipuwananchikpaq qosqanchikta wañukuptinchik paykunapaqña kananpaq. Chaynata paykunaman qosqanchikqa impuesto pagananchiktam menosyachin.

“Tanteaspa qonamanta” nisqanmi qawachin, pipas chaynata qoq tanteaspa rurananta. Jehová Diospa testigonkunapa allpantinpi predicasqankuta yanapay munaqkunapaqmi inglespiwan castellanopi huk folleto kachkan, sutinmi: Donaciones planificadas para favorecer el servicio del Reino en todo el mundo. Kay folletom willachkan qollqenchikta hinaspa kapuqninchikta imayna qonamanta. Leeruspa hinaspa negocionku qawaqta otaq abogadonta tapuspankum, achka runakunaqa Jehová Diospa testigonkunapa allpantinpi predicasqankuta yanapanku, paykunapas kayta ruraspankuqa menostam impuestota paganku. Kay folleto nacionnikipi kaptinqa mañakuwaqmi congregacionnikipi secretario kaq ancianomanta.

Astawan yachayta munaspaykiqa qellqay otaq telefonowan qayay nacionnikipi Betel wasita:

Asociación de los Testigos de Jehová

Jr. El Cortijo 329

Urb. Monterrico Chico

Distrito de Santiago de Surco

Lima 33, Lima-Perú

Teléfono: (01) 434-1474