Bibliapim niwanchik llapallanchik huchallikuq kasqanchikta. Chaynaqa kanchik Adanpa mirayninkuna kasqanchikraykum. Chayraykum imatapas mana allinta ruwaruspaqa pesapakunchik chay ruwasqanchikmanta. Diospa churin Jesucristom wañukurqa huchanchikmanta librawananchikpaq. Wañukusqanwanmi huchanchikkunamanta pampachasqa kanchik. “Chayqa ancha kuyakuyninta Dios qawachisqanrayku mana imallapaq qusqan regalom” (Leey Romanos 3:23, 24).

Llumpay mana allinkunata ruwaruq runakunam tapukunku: “Huchayta Dios pampachaykuwanmanchu”, nispanku. Arí, Jehova Diosqa maynaña huchanchiktapas pampachaykuwanchikmi sunqumanta wanakuptinchikqa (Leey Isaias 1:18). Chaymi bibliapi kaynata nin: “Churin Jesuspa yawarninmi lliw huchanchikmanta mayllawanchik”, nispa (1 Juan 1:7).

Jehova Dios pampachaykuwananchikpaqqa sumaqtam paymanta yachananchik, yachananchiktaqmi consejonkunamanta hinaspa kamachikuyninkunamanta (Juan 17:3). Jehova Diosqa pampachaykunmi huchankumanta wanakuqkunataqa hinaspa payman kutirikuqkunataqa (Leey Hechos 3:19).

Jehova Diosqa kuyakuq hinaspa llakipayakuqllañam. Hinaspapas ‘payqa yachanmi imamanta ruwasqa kasqanchikta’ ¿Manachu chayta yachaspaykiqa qampas kallpanchakuwaq paytaña kasukunaykipaq? (Leey Salmos 103:13, 14).