Bibliapi nishca shinaca Diosta mashcaj gentecunaca siempremi pai munashca shina causangapaj preocuparincuna. Cutin Diosta mana mashcajcunaca siempremi paicuna yuyashca shina, paicuna munashca shina causancuna (Judas 18, 19; Efesios 5:1).

BIBLIAMANTA CONSEJO: “Imata ruranapipish mana cꞌari cꞌari cajpica, imapish ashtahuan ashtahuan sinchimi ricuringa” (Proverbios 24:10).

¿IMATATAJ NISHA NIN? Desanimarishca cashpaca llaquicunata chꞌimbapurangapaj fuerzata mana charishunchu. Pero, llaquicuna asha tiempocamalla cashcata yachashpami ñaupajman catishun. Chai esperanzata charishpami llaqui horaspica sumaj causai tiyanata cushilla shuyashun.

¿IMATATAJ RURAI TUCUNGUI? Shamuj punllapi ima tucunataca ama sustarichu. Caimi chaimi pasanga nishpa sustarinapaj randi o tucui ima rurasha nishca alli llujshichun shuyanapaj randica can yuyarishcacunata pajtachingapaj esforzari. Huaquinpica imapish mana ñucanchij yuyashca shinachu llujshin (Eclesiastés 9:11). Pero casi siempremi ñucanchij ima shuyacushcacunaca ashtahuan yalli alli llujshin. Chagrapi imata rurana cashcata yuyachishpami Bibliapica cashna nin: “Muyutaca tutamantapish tarpuilla, chishitapish ama samaricuichu. Punta tarpui cashpa, qꞌuipa tarpui cashpa, mana cashpaca ishqui tarpuitaj alli canataca mana yachanguichu” (Eclesiastés 11:6).

BIBLIAMANTA CONSEJO: “Intindichihuayari [...] Quiquinpaj tucui shimicunaca ima mana pandachu tucuimi alli” (Salmo 119:144, 160).

¿IMATATAJ NISHA NIN? Bibliapimi tucui ñucanchij tapuicunata yachai tucunchij. Por ejemplo, ¿cai tapuicunapi yuyashcanguichu?

• ¿Imapajtaj causanchij?

• ¿Imamantataj yallitaj llaquicuna tiyan?

• ¿Huañushpaca imataj tucunchij?

• ¿Shamuj punllacunapica ima shinashi causashun?

Cai tapuicunata Bibliapi yachashpami cunanca achca gentecuna cushilla causancuna.

¿IMATATAJ RURAI TUCUNGUI? Bibliapi ima yachachishcata ricuchunmi animanchij. Shuj testigo de Jehová yachachichun mañai. Shinallataj internetpi jw.org paginaman yaicui. Mana cashpaca ñucanchij tandanacuicunaman shamui. Gratismi can, mana cullquita mañanchijchu.

DIOSMANTA YACHANATAMI MINISHTINCHIJ

“Cushicuichij Diospajta mana yachashcamanta ashtahuan yachanata munajcuna” (MATEO 5:3, QC, 1989).

BIBLIAPI DIOSMANTA ASHTAHUAN YACHAI

“Diosman cꞌuchuyaichij, paipish cancunapajman cꞌuchuyangami” (SANTIAGO 4:8).

BIBLIATA LIYI, LIYISHCAPI ALLI YUYAI

“Jehová * Dios mandashcata tutapish punllapish liyishpa chai yuyailla caj runaca cushichishcami. Tucui imata pai rurashcapish allimi llujshinga” (SALMO 1:1-3, NM ).