Ima tiyashcata ricui

Ima tiyashcata ricui

 JESÚS SHINA CAUSASHUNCHIJ

Tucuicunata alli chasquishunchij

Tucuicunata alli chasquishunchij

Cai 23 de marzo punllatami casi 12 millones gentecuna Jesús huañushcata yuyarina tandanacuiman shamungacuna. Shuj huauquimi, Jehová Diosca paipaj Churita huañuchun saquishpa sumaj regalota tucuicunaman cushcata yachachinga (Isa 11:6-9; 35:5, 6; 65:21-23; Jn 3:16). Shinapish cai sumaj tandanacuipica mana paillachu ayudai tucun. Ñucanchijpish tucuicunata alli chasquishpami ayudana canchij (Ro 15:7). Chaipajca imata ruranata ricushun:

  • Tandanacui callaringacama tiyashpa shuyanapaj randica, congregacionmanta caruyashcacunata, mushujcunatapish alli chasquishpa cˈuyaihuan parlai.

  • Cambaj invitashcacunata ayudai. Shinallataj invitacionta chasquishcamanta shamujcunatapish ayudai. Canhuan tiyarichun pushashpa, paicunahuan cantashpa, cambaj Bibliatapish mañachishpa ayudai.

  • Tandanacui tucurishca qˈuipaca imata entendishcata o mana entendishcata tapui. Ñucanchij tandanacushca qˈuipa shujtajcuna tandanacuna cashcamanta utca llujshina cashpaca, shujtaj punlla visitangapaj paihuan parlanacui. “Tandanacuimanta ashtahuan parlanatami munani, ¿ima shinataj canhuan cutin parlai tucuni?” nishpami tapui tucungui.