TÄPAKOQ 1 kaq, 2018 | ¿Bibliaqa kanan witsan yanapakuntsuraq?
¿BIBLIAQA KANAN WITSAN YANAPAKUNTSURAQ?
Kanan witsanqa, tsëllaraq yarqamoq cösaskunawan imëkatam musyarintsik. Tsëqa, ¿mananatsuraq Biblia willakunqankuna kanan witsan yanapamantsik? Bibliam kënö nin:
“Llapan qellqashqa këkaqmi Diospita shamun, y alläpa allim” (2 Timoteu 3:16).
Kë revistam yachatsikun, Bibliaqa kawënintsikchö yanapamanqantsikta.
¿Bibliapa consëjunkunaqa yanapakuntsuraq?
Tsë yanapakïkuna yarqëkämuptinqa, ¿imapaqraq Bibliapa yanapakïninta ashiyanman qellqakanqampita cäsi 2.000 watakuna pasashqa këkaptinqa?
Bibliapa consëjunkunaqa imëpis yanapakïkanqallam
Bibliaqa kanan witsan yarqamoq librukunapitapis mas allim. Y consëjunkunaqa alläpam kanan witsan yanapamantsik.
¿Unë nunakunallapaqku o puntallapitanaku imëkatapis willakun?
Bibliaqa manam ciencia asuntupaq parlaq librutsu, peru puntallapitanam imëkatapis willakun.
1 Mas problëmakunaman mana chänapaqmi yanapamantsik
Mas problëmakunam mana chäyänampaqmi Diospa consëjunkunaqa nunakunata yanapashqa.
2 Problëmakunata altsanapaqmi yanapamantsik
Problëmantsikkuna mana altsakaqnö kaptin y alläpa mana alli sientikushqaqa, Bibliam yanapamantsik. Alläpa mana yarpachakunapaq, japallantsiklla mana sientikunapaq, y imatapis höranchö rurëta mana jaqinapaq.
3 Problëmakuna kaptin alli tsarakunapaqmi yanapamantsik
¿Kuyashqa familiantsik wanuptin o mana kachakaq qeshyawan kashqa alli tsarakunapaq Biblia yanapamënintsikta puëdinmantsuraq?
Shamoq tiempuchö kawënintsik y Biblia
Diospa Palabranqa yanapamantsik imëka problëmakunatapis altsanapaqmi, mana shuyaranqantsik hörachö problëmakuna chämuptin. Jina manam tsëllachötsu yanapamantsik, sinöqa shamoq tiempuchö kushishqa kawanapaqpis yanapamantsikmi.
¿Qamqa ima ninkimanraq?
Biblia imata yachatsikunqanta y wakin nunakuna imata creiyanqanta rikäri.
