Samariapita warmita parlapärishqana karmi, Jesusqa Diospita yachatsitapis puëdirqan. ¿Imataraq rurashwan mana reqishqantsikkunata parlapar qallanapaq?

• Yachanëpaq kë y nunakunata parlapë. Pishipashqa këkarpis Jesusqa tsë warmitam parlapärirqan. ¿Imanötaq rurarqan? Upunampaq yakuta mañakurmi. Qampis saludarinkimanraqmi y itsapis tiempu imanö këkanqampaq o tsëllaraq imapis pasakunqampaq parlar qallarinkiman. Pillatapis parlapëtam tïranëki, tsëmi imallatapis nirinëki parlakamunampaq. Peru mana parlapäshuptikiqa yarpachakïtsu. Juktana parlapëta tïrë. Jehoväman mañakï valorta qoshunëkipaq (Ne 2:4; Hch 4:29).

• Alkäbulla këkäshun imë hörapis Diospa Gobiernumpita yachatsikunapaq, peru ama rasqa Diospita parlapar qallëtsu. Imallapaqpis parlakïkarqa parlakurnin sïguiyë. Porqui illaqpita Diospita parlapaptikiqa mana allim sientikunqa y manam parlëtapis munanqanatsu. Y Diospita manaraq parlapar qallaptiki juk cösaspaq parlakur ushariyaptikiqa qelanäritsu. Më tsëchö këkarnimpis Diospita yachatsikïta mana puëdirninqa, juk cösaskunapaq pillatapis parlapar qallëta tïrë. [1 kaq videuta churari y tsëchö këkaqkunawan yachakuriyë].

• Imallapaqpis parlakïkarqa, Diospita yachatsir qallanëkipaq imata creinqantsikpaq parlapar qallë. Itsapis tsënöpa maslla musyëta munar tapupärishunkiman. Tsëtam Jesuspis rurarqan, Samariapita warmi parlakunampaqmi yakupita parlaparqan, tsëmi maslla musyëta munar tapuparqan. Y Diospa Gobiernumpaq parlaparqa tapunqantam contestëkarqan. [2 kaq videuta churari y tsëchö këkaqkunawan yachakuriyë. Y 3 kaq videuwampis tsënölla rurë].