Ronojel taq junabʼ, e kʼi qachalal che tajin kkipatanij ri Jehová pa tiempo completo re ronojel uwach ulew kesikʼixik rech keʼopan pa ri Tijobʼal rech Galaad re ri Watchtower, che kbʼan pa ri Centro Educativo re ri Watchtower, pa Patterson (Nueva York). a Pa wajun tijobʼal, ri tijoxelabʼ kketaʼmaj jas kkibʼano rech más utz kkibʼan che ri jalajoj taq uwach kichak pa ri utinamit ri Jehová. Ri tijonik kyaʼ chke keʼutoʼ rech kkikowirisaj ri jalajoj taq congregaciones y ri sucursales che kʼo pa ronojel uwach ulew.

 Galaad qastzij wi che are jun tijobʼal kech winaq re ronojel uwach ulew. Jun kʼutbʼal, pa ri clase 147, che xbʼan pa ri 2019, xekʼojiʼ 56 tijoxelabʼ re 29 países re ronojel uwach ulew. Ri tijoxelabʼ che keʼopam pa ri Tijobʼal rech Galaad, tajin kkipatanij ri Jehová pa jalajoj taq eqelen re ri servicio de tiempo completo e betelitas, e solinel re circuito, e misioneros y e precursores especiales.

 Ri kbʼan che ubʼanik ronojel taq ri jastaq che kkoj pa ri tijobʼal kmajix ubʼanik are chi majaʼ kmajix ri nabʼe clase. Jun kʼutbʼal, ri Departamento de Viajes re ri sede Mundial kuloqʼ ri kiboletos ri e qachalal rech kekunik keʼopan pa ri tijobʼal. Xchup 1,075 dólares chrij ri kiviaje ri e qachalal chkijujunal ri xeʼopan pa ri clase 147 re ri tijobʼal Galaad che kepe pa jalajoj taq tinamit. Ri tijoxelabʼ re ri islas Salomón rajawaxik xkibʼan ri viajes pa kajibʼ aviones rech xekunik xeʼopan pa Patterson y pa oxibʼ aviones rech xetzalij bʼi cho kachoch. Ri unajal ri kitinamit, weneʼ 35,400 kilómetros (22,000 millas). Xchup 2,300 dólares chrij ri kipasajes chkijujunal. Rech ri utinamit ri Jehová nim ta rajil kuchupu, ri Departamento de Viajes kukoj jun programa che uriqik taq ri boletos che paqal ta rajil. Are chiʼ ri qachalal re ri Departamento de Viajes kitaʼom chi kan boletos pa taq ri oficinas che kkʼayix wi boletos, kkikoj kʼi semanas y jujun taq mul meses che utzukuyik nikʼaj chi boletos che paqal ta rajil. Ri Departamento de Viajes xuqujeʼ kukoj boletos che kkisipaj jujun taq mul ri empresas re taq aviones.

 E kʼi tijoxelabʼ rajawaxik jun kivisa rech kekunik keʼopan pa Estados Unidos. Rumal laʼ, ri Departamento de Asuntos Legales re ri Central Mundial keʼuto ri tijoxelabʼ rech kyaʼ jun kivisa. Weneʼ ksach 510 dólares chrij ri trámites re ri kivisa chkijujunal.

 ¿Jas utzilal kuya chqe konojel ri tojonik kyaʼ chke konojel ri tijoxelabʼ riʼ? Ri qachalal Hendra Gunawan kʼamal bʼe re jun congregación pa ri Sureste re Asia ri e kʼo wi jun kʼulaj che e graduados re Galaad. Kubʼij chqe: «Nabʼe kanoq e kʼo ta precursores regulares pa ri qacongregación. Are kʼu, are chiʼ xeʼopam ri e qachalal riʼ xkiya kichuqʼabʼ konojel, rumal laʼ e kʼi xeʼux precursores. Y are chiʼ xqʼax ri tiempo, jun qachalal ixoq re ri qacongregación xuqujeʼ xbʼe pa ri Tijobʼal chke ri kkiya ubʼixik ri Ajawbʼal».

 Ri qachalal Sergio Panjaitan che kchakun kukʼ jujun taq graduados re Galaad pa jun sucursal re ri Sureste re Asia, kubʼij chqe: «Ri tijonik xya lo chke ri e qachalal pa ri Tijobʼal rech Galaad are jun tewchibʼal chke e areʼ xuqujeʼ chqe oj. ¡Sibʼalaj kʼi ri xketaʼmaj! Are kʼu, xa ta kkibʼan nim che kibʼ rumal ri ketaʼm, xaneʼ kkikʼut chkiwach ri e nikʼaj chik. Wariʼ kuya qachuqʼabʼ oj xuqujeʼ oj kojkunik kqaya kichuqʼabʼ ri e nikʼaj chik».

 ¿Jas kbʼan che uriqik ri pwaq che kkoj pa wajun tijobʼal riʼ? Are kkoj ri kuchuj che kyaʼ pa ri obra mundial. Wariʼ are ri jalajoj kbʼan che uyaʼik pa donate.jw.org. Sibʼalaj maltyox che ri ikuchuj che kiya rukʼ ronojel iwanimaʼ. Rukʼ ri itobʼanik, kʼo wajun tijobʼal che kekun konojel ri tijoxelabʼ re ronojel uwach Ulew keʼopanik.