Ri kʼisbʼal Pascua che xubʼan ri Jesús sibʼalaj nim ubʼanik. Rumal che xa jubʼiqʼ chi kraj kkamik, xraj xubʼan ri Pascua kukʼ ri apóstoles y xubʼij chke che kkimaj ubʼanik ri Unaʼtabʼalil ri ukamikal. Rumal laʼ xubʼij chke Pedro y Juan che kebʼe che rilik ri lugar ri kbʼan wi ri waʼim (Lu 22:7-13; chawilaʼ ri wachbʼal re ri uwach ri wuj). Wariʼ kunaʼtasaj chqe che rajawaxik kqatijoj qibʼ rech kqabʼan ri Unaʼtabʼalil ri ukamikal ri Jesús pa ri qʼij 27 re marzo. Ri congregaciones kichaʼom chi ri kyaʼow ri chʼabʼal, ri kkibʼan che uriqik ri kaxlanwa xuqujeʼ ri vino, y nikʼaj chik. Rumal laʼ, ¿jas rajawaxik kqabʼano rech kqatijoj apan qibʼ chiʼ majaʼ kopan wajun qʼij riʼ?

Chqatijoj ri qanimaʼ. Chojchoman chrij ri lectura bíblica re ri Unaʼtabʼalil ri ukamikal ri Jesús. Kqariq jun programa chupam ri wuj Examinemos las Escrituras todos los días. Kʼo jun programa pa ri apéndice 16 re ri wuj Tobʼanik rech ketaʼmax chrij ri Utzij ri Dios che más tzʼaqat y pa ri Wuj re chak abril 2020. We kawaj kawetaʼmaj más rukʼ ri afamilia chrij ri tojbʼal mak, kariq más información pa ri Índice de las publicaciones Watch Tower y pa ri wuj Tobʼanik chike ri testigos rech Jehová.

Cheqasikʼij nikʼaj chik. Chqayaʼ más qatiempo che ujachik ri wuj re ri Unaʼtabʼalil ri ukamikal ri Jesús. ¿Jachin rajawaxik keqasikʼij? Weneʼ ri winaq che keqasolij, ri xqaya na tijonik re ri Biblia chke, ri e qafamiliares y winaq che kqachʼobʼ kiwach. Ri kʼamal taq bʼe rajawaxik kkiya ri sikʼinik chke ri inactivos. Chnaʼtaj chqe che we jun winaq naj kel wi, kojkunik kqil ri lugar y ri hora y ri knaʼtax wi ri ukamikal ri Jesús, che kʼo más naqaj che ri winaq. Rech kariqo chatzukuj ri tzij RI KQABʼANO che kʼo pa jw.org, tekʼuriʼ chapitzʼaʼ «Unaʼtasaxik».

¿Jas más rajawaxik kabʼano rech katijoj apan awibʼ?