Cheʼatoʼ rech kkinikʼoj ri kikʼaslemal. Chabʼanaʼ preguntas che pa kitukel kkichomaj rij ri kubʼij rech qas kkinikʼoj ri kʼo pa kanimaʼ.

Cheʼatoʼ rech kkil ri kkibʼano. Cheʼatoʼ ri kattatabʼenik rech kkichomaj jasche kkibʼan utz taq jastaq. Cheʼatoʼ rech kkil ri rumal che kkibʼano: uloqʼoqʼexik ri Jehová, ri kajil kitzʼaqat xuqujeʼ ri e kʼutunem re ri Biblia. Cheʼatoʼ rech kechomanik, xaq xiw ta kattzijon kukʼ. Are chiʼ kakʼis ri achʼabʼal, xa ta kekʼixik, are kkinaʼo che rajawaxik kkikoj kichuqʼabʼ che ubʼanik ronojel ri kekun che ubʼanik.

Chabʼanaʼ che are kyaʼ uqʼij ri Jehová. Chakʼutuʼ che ri e kʼutunem, ri e pixabʼ xuqujeʼ ri e taqanik re ri Biblia kojutoʼ che retaʼmaxik uwach ri Dios xuqujeʼ kukʼut chqawach che kojraj. Cheʼatoʼ ri kattatabʼenik rech kkikoj kichuqʼabʼ che uchomaxik ri kunaʼ ri Jehová xuqujeʼ rech kkikoj kichuqʼabʼ che ukikotemaxik.