BʼIXONEM 3
At kaya nuchuqʼabʼ, kubʼsal nukʼuʼx, xuqujeʼ rech ko wanimaʼ
-
1. Oh Jehová nuDios at awetaʼm
che in qastzij katwaj.
At xaya nukʼaslemal che
kasach ta chwe nuTat.
Are kʼu kʼo itzelal kimik
kinbʼison pa wanimaʼ.
Chinatoʼ in rech kubʼan ko
ri nuloqʼoqʼenik.
(CORO)
Are chiʼ kinxeʼj wibʼ
at kʼo wukʼ nuDios,
ri atewchibʼal kinwilo.
Rukʼ ri atobʼanik
kintzijoj atzij,
kakubʼsaj nukʼuʼx, oh Jehová.
-
2. Oh Jehová at ayaʼom kimik
jun eyebʼal nukʼuʼx.
Nojisaj ri wanimaʼ rukʼ
ri achuqʼabʼ nuDios.
Ri saqil che kʼo pa ri Atzij
kubʼan ko nukojonik.
Kinkubʼsaj nukʼuʼx chawij Tat
rumal che kinawaj.
(CORO)
Are chiʼ kinxeʼj wibʼ
at kʼo wukʼ nuDios,
ri atewchibʼal kinwilo.
Rukʼ ri atobʼanik
kintzijoj atzij,
kakubʼsaj nukʼuʼx, oh Jehová.
(Xuqujeʼ chawilaʼ Sal. 72:13, 14; Prov. 3:5, 6, 26; Jer. 17:7).
