KAHN IROIR No. 1 2023 | Roson en Madamadau—Paipel Kak Sawas
Nan sampah pwon, aramas rar kei kin ahneki kahpwal en madamadau. Me pwulopwul oh mah, me kepwehpwe de semwehmwe, me sukuhl laud de soh, aramas sang soangsoangen keinek oh pelien lamalam kan kin lokolongki kahpwal en soumwahu wet. Dahkot soumwahu en nan madamadau oh dahme e kin wiahiong aramas akan? Pwuhk wet pahn koasoia sawas en palien wini me konehng oh pil ni soangen ahl dah kan me Paipel kak sewese irail kan me kin lokolongki met.
Roson en Madamadau—Kahpwal Ehu nan Sampah Pwon
Soumwahu en madamadau kak lelohng aramas koaros. Kilang ia duwen kaweid en Paipel eh kak sewese omw roson en madamadau.
Koht Ketin Nsenohkin Uhk
Dahme kahrehda ke kak kamehlele me Siohwa kin ketin mwahngih omw madamadau oh pepehm kan laudsang meteikan?
1 | Kapakap—“Patohwanohng Ih Amwail Pwunod akan Koaros”
Ke kak uhdahn kapakapkiong Koht duwen pwunod de kahpwal sohte lipilipil? Ia kamwahupen kapakap ong irail akan me kin lokolongki pwunod?
2 | “Kakehlepen Loalatail me Kohsang Nting Sarawi kan”
Rohng en Paipel kin kihda koapworopwor mehlel me ni ahnsou keren kitail sohla pahn ahneki pepehm kamedek kan.
3 | Mehn Kahlemeng en Paipel kan Kak Seweseiuk
Paipel kin audaudki koasoipen ohl oh lih akan me ahneki pepehm kan me duwehte atail, met kak sewesei kitail en dehr medewe me kitail kelekelehpw ni atail kin ahneki pepehm en masepwehk.
4 | Paipel Kin Kihda Kaweid Mwahu
Kilang ia duwen omw medemedewe iren Paipel kan oh wiahda mehn akadei me ke kak lel eh kak seweseiuk en apwalihala kahpwal en soumwahu en madamadau.
Sewese me Ahneki Soumwahu en Madamadau—Ia Mwomwe?
Omw utuht kak sewese kompoakepahmw men me kin lokolongki soumwahu en madamadau.
