Numbers 24:1-25
24 Taem Balaam lukim dat Jehovah laek for blessim Israel, hem no go moa for faendaot sapos eni nogud samting bae kasem Israel*+ bat hem tane go feisim wilderness.
2 Taem Balaam luk go hem lukim olketa Israelite camp followim olketa tribe blo olketa.+ Then spirit blo God kam lo hem.+
3 And Balaam talemaot disfala message:+
“Diswan hem toktok blo Balaam, son blo Beor,And toktok blo man wea eye blo hem open,
4 Toktok blo man wea herem toktok blo God,Wea eye blo hem open taem hem baodaon,And hem lukim vision from Olmaeti:+
5 Olketa tent blo iu luk naes tumas, O Jacob,Olketa ples blo iu for stap, O Israel!+
6 Olketa kavarem big area olsem olketa valley,*+Olsem olketa garden saed lo river,Olsem olketa aloe plant wea Jehovah plantim,Olsem olketa cedar tree wea stap saed lo wata.
7 Wata gohed drop from tufala leather baket blo hem,And seed* blo hem stap saed lo staka wata.+
And king+ blo hem tu bae garem bignem winim Agag,+And kingdom blo hem bae strong.+
8 God tekem hem kamaot from Egypt.
God hem olsem tufala horn blo wild bull for helpem hem.
Hem bae distroem olketa nation wea againstim hem,+And hem bae chewim bon blo olketa, and hem bae distroem olketa witim olketa arrow blo hem.
9 Hem leidaon, hem leidaon olsem lion,And olsem lion, hu nao bae no fraet for wekapem hem?
Olketa wea blessim iu bae kasem blessing,And olketa wea cursim iu bae kasem curse.”+
10 Then Balak kros tumas lo Balaam. Balak klapem hand blo hem witim kros and sei lo Balaam: “Mi tekem iu kam for cursim olketa enemy blo mi,+ batawea iu blessim olketa thrifala taem.
11 Iu go bak distaem nao. Mi laek for rewardim iu+ bat lukim, Jehovah blokem for iu kasem datwan.”
12 Balaam sei lo Balak: “Mi talem finis olketa messenger blo iu,
13 ‘Nomata sapos Balak givim mi haos blo hem wea fulap lo silver and gold, hard for mi duim eni samting followim tingting* blo mi for disobeyim order blo Jehovah nomata hem gud or nogud samting. Mi bae talem nomoa samting wea Jehovah talem lo mi.’+
14 And distaem mi go bak lo pipol blo mi. Kam mekem mi talem iu wat nao pipol hia bae duim lo pipol blo iu lo future.”*
15 So Balaam talemaot disfala message:+
“Diswan hem toktok blo Balaam, son blo Beor,And toktok blo man wea eye blo hem open,+
16 Toktok blo man wea herem toktok blo God,And man wea garem knowledge abaotem Most Hae,Hem lukim vision from Olmaeti,Taem hem baodaon and eye blo hem open:
17 Mi lukim hem bat no lo distaem.
Mi lukim hem bat hem farawe yet.
Wanfala star+ bae kam from Jacob,And wanfala scepter*+ bae kam from Israel.+
And hem bae brekem forhed blo Moab,+And skull blo evri raf soldia.
18 And Edom bae kamap property blo hem,+Yes, enemy blo Seir+ bae tekem Seir for kamap property blo hem,+Lo taem wea Israel bae showimaot hem no fraet.
19 And wanfala wea kam from Jacob bae winim olketa enemy,+And hem bae distroem eniwan wea laef yet lo datfala taon.”
20 Taem hem lukim Amalek, hem gohed talemaot message blo hem:
“Amalek nao first wan lo olketa nation,*+Bat gogo hem bae finis.”+
21 Taem hem lukim olketa Kenite,+ hem gohed talemaot message blo hem:
“Haos blo iu hem strong olsem nest wea stap antap lo big ston.
22 Bat samwan bae bonem olketa Kenite.*
Hao long moa bifor Assyria bae tekem olketa for kamap prisoner?”
23 And hem gohed talem message blo hem:
“Sorre tumas! Hu nao bae laef taem God duim olketa samting hia?
24 Olketa ship bae kam from coast lo Kittim,+And olketa bae attakim Assyria,+And olketa bae attakim Eber.
Bat hem tu bae finis.”
25 Then Balaam+ getap and go bak lo ples blo hem. Balak tu lusim lo there.
