125 ЗАРӔГ
Фӕлмӕнзӕрдӕ адӕймаг у амондджын
-
1. Йегъовӕ у фӕлмӕнзӕрдӕ,
’Мӕ амондджын у алкӕддӕр.
Хӕрзгӕнӕг у Ыстыр Хуыцау,
Хӕларзӕрдӕ ӕмӕ рӕдау.
Фӕсмон чи кӕна, уыдонӕн
Сӕ куывд ӕнӕмӕнг фехъусдзӕн.
Уый зоны – стӕм рыгӕй конд мах.
Тӕрхоныл уый нӕ кӕны тагъд.
-
2. Куы фӕрӕдийӕм истӕмӕй,
Ыскувӕм уӕд зӕрдиагӕй.
Нӕ рӕдыд нын уыдзӕни барст,
Йегъовӕмӕ куы кувӕм раст.
Ныббардзӕни Хуыцау дӕуӕн,
Кӕд хатыр кӕнай иннӕтӕн.
Дӕ маст-иу уӕд тагъд атайдзӕн,
Дӕ зӕрдӕйы уӕд фарн уыдзӕн.
-
3. Кӕд искӕмӕн ӕххуыс кӕнӕм,
Сыгъдӕгзӕрдӕ уӕд хъуамӕ уӕм.
Ӕппӕлой нӕ, уый нӕу сӕйраг.
Зӕрдӕйы цин у махӕн фаг.
Ӕппӕтуынӕг Хуыцау кӕсдзӕн,
Нӕ хорздзинад нын бафиддзӕн.
У амондджын фӕлмӕнзӕрдӕ,
Хуыцауӕй зоны стыр хӕрзтӕ.
(Ноджыдӕр кӕс Матф. 6:2–4, 12–14.)