Ca Noticia Galán Según Jesús
Biziidiʼ jma de Jesús xiiñiʼ Dios ne ni rulá binni, lu serie de videu nabé galán riʼ.
Ca noticia galán según Jesús | Ni zanda gúʼyaluʼ lu cada capítulo
Guizáʼ galán serie ni caníʼ de modo bibani Jesucristu casi peʼ modo riete ni lu ca Evangeliu ca.
Capítulo 1: Biaaniʼ ni dxandíʼ stiʼ guidxilayú
Mesías si nga ni zanda gacané binni para guilaca’ de pecadu ni bisaanané Adán laanu.
Capítulo 2: «Ndiʼ nga Xiiñeʼ»
Biiyaʼ ximodo biʼniʼ preparar Juan Bautista ti neza para ora guedandá Mesías. Biiyaʼ xi guiráʼ bizaaca dxi bizulú Jesús cayuni xhiiñaʼ Dios lu Guidxilayú.
Capítulo 3: «Naa nga laabe»
Gudxi Jesús stale binni laa nga Mesías: gúdxibe ni Nicodemo, ti gunaa samaritana ne ca binni de Nazaret. Peru huaxiéʼ si binni ni nayá ladxidóʼ biʼniʼ cré laabe. Despué de bíʼnibe ti milagru ni bidxagayaa binni, biʼniʼ invitarbe caadxi pescador humilde chinándacaʼ laabe.
Capítulo 4: «Para nga bendaʼ»
Bisihuinni Jesús poder stiʼ ra bisianda ne ra gulee demonio luguiáʼ binni. Qué ñuulaʼdxiʼ caadxi binni ni cayúnibe ngue runi cuyúbicaʼ ximodo guuticaʼ laabe. Bisihuínnibe riabe binni, galán modo bisiidibe, bíʼnibe discípulo ne gulibe 12 apóstol.
Capítulo 5: Nabé bidxagayaacaʼ modo rusiidibe
Despué de bisianda Jesús stale binni, guizáʼ galán ne jneza modo bisiidibe laacaʼ, ninruʼ sti binni qué huasiidiʼ modo bisiidibe. Né diidxaʼ nadóʼ gúdxibe ca binni que ni caquiiñeʼ gúnicaʼ, biquiiñebe ejemplu ne bisiénebe laacaʼ ximodo zanda gúnicaʼ ni caziidicaʼ. Nabé bidxagayaa ca binni que modo rusiidibe.
Capítulo 6: «¿Ñee lii nga ni chigueeda que la?»
Bisihuinni Jesús napa poder para gusibani ca ni maʼ guti. Ca milagru ni bíʼnibe ne ni bisiidibe bisihuínnicani xi nuu ndaaniʼ ladxidóʼ ca ni cucaadiaga laabe. Biquiiñebe ejemplu ora guniʼbe de Reinu stiʼ Dios.
Avance stiʼ serie «Ca noticia galán según Jesús»
Zacané serie riʼ guiene chaahuiluʼ ni zeeda lu ca Evangeliu ca.
