Amakuru Murungi Kurugiirira Ahari Yesu
Yega bingi ahari Yesu Kristo, Omwana wa Ruhanga kandi Omujuni w’abantu, omu vidiyo zirikushemeza ezi ezikurataine.
Amakuru Marungi Kurugiirira Ahari Yesu—Ebirikukwata aha Vidiyo Ezikurataine omu Bugufu
Reeba ebiri omu bitabo by’Engiri birikuba ebyabuzima omu vidiyo ezi ezikurataine ezirikukwata ahari Yesu Kristo.
Vidiyo 1: Omushana gw’Ensi ogw’Amazima
Abantu nibaija kucungurwa bata kuruga omu kibi kya Adamu? Amatsiko gari omuri Mesia wenka.
Ekicweka 2: “Ogu n’Omwana Wangye”
Yohaana Omubatizi naatebeekanisiza Mesia omuhanda. Reeba ebintu ebirikushemeza ebyabaireho Yesu arikuza kutandika obuheereza bwe omu nsi!
Vidiyo 3: “Niinye”
Yesu akeeyoreka Nikodemu, Omusamariakazi, n’abantu b’omu tauni ya Nazareesi nka Mesia, kwonka bakye ab’omutima ogushemeire nibo baamwikiririizemu. Bwanyima y’okukora eky’okutangaaza, akeeta abajubi abacureezi kumukuratira.
Vidiyo 4: ‘Eki Nikyo Naiziriire’
Yesu akooreka amaani ge g’okukiza abantu n’okubinga baadaimoni. Kwonka bamwe bakamuhakanisa baateeraho n’okumwita. Akooreka munonga esaasi kandi yaayegyesa omu muringo murungi n’ekyarugiremu, akahindura abantu abeegi yaatoorana n’entumwa 12.
Vidiyo 5: Bakatangaarira Omuringo ogu Yaabaire Naayegyesamu
Bwanyima y‘okukiza abantu nyamwingi, Yesu akatandika kubeegyesa omu muringo ogurikukirira kimwe ogu abeegyesa baabo baabaire nibabeegyesamu. Obushoboorozi bwe, eby’okureeberaho ebi yaabaire naakoresa n’oku yaabaire naabihikaanisa n’embeera yaabo, kikabareetera kutangaara.
Vidiyo 6: “Niiwe Ogwo Orikwenda Kwija?”
Yesu naayoreka ngu aine amaani g’okuzoora abafu. Eby’okutangaaza bye n’enyegyesa ze ezoorobi kwetegyereza bikasheeshuura ebigyendererwa by’abarikumuhurikiza. Yesu naashoboorora ebirikukwata aha Bukama arikukoresa eby’okureeberaho.
