Yesu Sɔɔmɔ Lɛ He Sane
Vidio ni yɔɔ miishɛɛ ni baaba kɛtsara nɔ nɛɛ baaye abua bo ni ole Yesu Kristo, Nyɔŋmɔ Bi lɛ, ni hereɔ adesai ayiwala lɛ he nii babaoo.
Yesu Sɔɔmɔ Lɛ He Sane—Vidioi Lɛ Ahe Saji Fioo
Yesu Kristo he vidioi ni yɔɔ miishɛɛ ni baaba kɛtsara nɔ nɛɛ baawa bo koni onu Sanekpakpai lɛ ashishi jogbaŋŋ.
Fã 1: Je Lɛ Anɔkwa La Lɛ
Te abaafee tɛŋŋ ahere adesai kɛje esha ni amɛná kɛjɛ Adam dɛŋ lɛ mli? Mesia lɛ ji adesai ahiɛnɔkamɔ kome pɛ.
Fã 2: ‘Mɔ Nɛ Ji Mi-Bi Lɛ’
Yohane Baptisilɔ lɛ saa gbɛ lɛ eto Mesia lɛ. Kwɛmɔ vidio nɛɛ koni ona nibii ni yɔɔ naakpɛɛ ni Yesu fee kɛje esɔɔmɔ yɛ shikpɔŋ lɛ nɔ lɛ shishi!
Fã 3: “Mi Ni”
Yesu hã Nikodemo, Samaria yoo lɛ, kɛ Nazaret maŋ lɛ mli bii lɛ le akɛ lɛ ji Mesia lɛ, shi mɛi fioo ni hiɛ tsui kpakpa lɛ pɛ he lɛ amɛye. Efee naakpɛɛ nii ko ni tsake mɛi ashihilɛ, ni no sɛɛ lɛ etsɛ wolɛi komɛi ni baa amɛhe shi ni amɛbanyiɛ esɛɛ.
Fã 4: “Enɛ Hewɔ Miba”
Yesu kɛ ehawalɛ lɛ tsa mɛi ni ekɛfamɔ daimonioi. Shi mɛi komɛi te shi amɛwo lɛ ni amɛkpaŋ akɛ amɛbaagbe lɛ. Akɛni Yesu musuŋ tsɔ lɛ ni etsɔɔ nii jogbaŋŋ hewɔ lɛ, ená kaselɔi ni ehala bɔfoi 12 lɛ.
Fã 5: ‘Amɛhe Jɔ̃ Amɛhe Yɛ Gbɛ Ni Etsɔ Nɔ Etsɔɔ Nii Lɛ Hewɔ’
Be ni Yesu tsa mɛi babaoo ko sɛɛ lɛ, ebɔi amɛ nitsɔɔmɔ yɛ gbɛ ni amɛtsɔɔlɔi lɛ ateŋ mɔ ko etsɔko nii yɛ nɔ pɛŋ lɛ nɔ. Hegbɛ ni eyɔɔ, nɔkwɛmɔnii ni ekɛtsu nii, kɛ bɔ ni abaafee akɛ nibii ni etsɔɔ lɛ atsu nii yɛ shihilɛ mli daa gbi lɛ hã mɛi lɛ ahe jɔ̃ amɛhe.
Fã 6: “Ani Bo Ji Mɔ Ni Baa Lɛ?”
Yesu hã ana akɛ eyɛ hewalɛ ni ekɛteɔ gbohii ashi. Naakpɛɛ nii ni efee kɛ hesaa ni ekɛtsɔɔ nii lɛ hã ana nɔ ni yɔɔ mɛi ni bo lɛ toi lɛ atsui mli. Yesu kɛ nɔkwɛmɔnii tsɔɔ Nyɔŋmɔ Maŋtsɛyeli lɛ he nibii komɛi amli.
Yesu Sɔɔmɔ Lɛ He Sane—Vidioi Srɔtoi Lɛ Fãi Komɛi
Kwɛmɔ vidio ni yɔɔ miishɛɛ ni baaba kɛtsara nɔ nɛɛ fãi komɛi lɛ, ebaahã onu Sanekpakpai lɛ ashishi jogbaŋŋ.
