Okha Ọghe Ẹdagbọn E Jesu
U gha ruẹ emwi ni bun vbekpae Jesu Kristi, nọ re Ovbi Osanobua kevbe Ọmiọmwafan ọghe ima ne emwa nagbọn, vbe avbe vidio na.
Vidio 1: Ukpa Ọghe Ẹmwata Nọ Baa Yan Agbọn
De vbene emwa nagbọn khian ya miẹn fan hẹ vbe obọ orukhọ ne iran re vbe ukhu vbe obọ Adam? E Mezaia ọkpa ẹre ọ khian sẹtin miẹn ima fan.
Vidio 2: “Ọna Ọre Ovbi Mwẹ”
E Jọn ne Ọ Dinmwi Ọmwa Ye Amẹ keghi dọlọ odẹ yi khẹ Mezaia. U gha miẹn emwi ọyunnuan eso ne Jesu ru, vbe ọ da suẹn iwinna rẹn vbe uhunmwu otagbọn na!
Vidio 3: “Mẹ Nọ”
E Jesu tama Nikọdimọs, okhuo e Sameria kevbe Ivbi e Nazarẹt we irẹn ọre Mezaia, sokpan emwa ni mwẹ ekhọe ata ọkpa ẹre ọ mu ẹtin yan rẹn. E Jesu ghi ru iwinna ọyunnan nẹ, ọ keghi tama avbe ọgbehẹn eso ne iran do gha re erhuanegbe irẹn.
Vidio 4: “Ọna Ẹre Ọ Ya Mwẹ Rre”
Jesu mu emwa egbe rran, ọ khulo orhiọn dan hin emwa egbe rre. Sokpan, emwa eso kegha gbe ẹre odan, iran na vbe si uma ne iran khian ya gbe ẹre rua. Ọmamwaemwi nọ maan ẹsẹse ẹre Jesu khin, ọ vbe mwẹ ẹnina, ọna ẹre ọ si ẹre ne Jesu na gha mwẹ erhuanegbe ni bun, ọ na vbe sẹtin zẹ ukọ 12.
Vidio 5: ‘Emwa Keghi Yan Unu Ruan, Rhunmwuda Vbene Ọ Ya Gha Ma Emwa Emwi’
Vbe Jesu ghi mu emwa ni bun egbe rran nẹ, ọ keghi suẹn gha ma iran emwi, a ma he miẹn ọmamwaemwi nọ yevbe Jesu. Asẹ nọ mwẹ, odẹ ne ọ ya gha zẹ erre kevbe vbene ọ ya gha rhan otọ emwi nọ ma emwa re keghi yan emwa ni ghaa danmwehọ re unu ruan.
Vidio 6: “Wẹ Ọre Ọmwa Nii Na Wẹẹ Ọ Dee Ra?”
Jesu keghi rhie ẹre ma wẹẹ irẹn mwẹ ẹtin na ya huẹn emwa ni wulo kpaegbe. Iwinna ọyunnuan nọ ghaa ru kevbe imamwaemwi ọghẹe keghi yae dewarorua emwi ne emwa ni danmwehọ ẹre ghaa mwẹ vbe ekhọe. Jesu vbe loo erre ya rhan otọ emwi eso vbekpa Arriọba Osanobua.
