E BAIBOL NA MAA ỌMWA RE
Sọyẹnmwẹ Arrọọ Vbe Etẹbitẹ!
Vbe iruẹmwi e Baibol na, na koko ziro yi, u gha miẹn ewanniẹn ọghe avbe inọta na:
Vbia khian ya sẹtin gha sọyẹnmwẹ hẹ vbe arrọọ mwẹ?
Ọkhọọ kevbe usẹ gha fo ẹdẹ ra?
I gha werriegbe miẹn emwa mwẹ ne I hoẹmwẹ ọnrẹn ni wulo nẹ ra?
Osanobua gele gbaroghe mwẹ ra?
Vbia khian ya gha na erhunmwu hẹ, ne Osanobua mieke na gha họn erhunmwu mwẹ?
Ọghe Ọhẹ Nọ
A gha ya ebe na tie ẹre Sọyẹnmwẹ Arrọọ Vbe Etẹbitẹ! maa ruẹ emwi vbe ọghe ọhẹ. A gha vbe mu e Baibol nuẹn, deghẹ u hoo ne u gha mwẹ ọghe obọ ruẹ.
Vbe Ehe Kevbe Ẹghẹ Nọ Yẹẹ Ruẹ
U gha miẹn ọmwa nọ gha maa ruẹ emwi vbe ehe kevbe ẹghẹ nọ rhirhi gha khin. Ọ sẹtin vbe loo efoni ra ekọmputa.
Ai Vbe Muẹn Kpan Ye Ọmwa Egbe
U gha sẹtin dobọ iruẹmwi yi vbe ẹghẹ nọ rhirhi khọn ruẹ, deghẹ u hoo ne u ru vberriọ.
Vbene ima ya ya e Baibol maa emwa emwi hẹ?
Ọmwa gha ru iyobọ nuẹn ya rẹn ẹmwata nọ rre Baibol. Te uwa khian gha ruẹ emwi ọkade ọkade. Vbe ebe na, na koko ziro yi, na tie ẹre Sọyẹnmwẹ Arrọọ Vbe Etẹbitẹ! u gha do rẹn uhunmwu ẹmwẹ ni rre Baibol kevbe odẹ ne Baibol gha ya sẹtin ru iyobọ nuẹn. U ghaa hoo ne u rẹn sayọ, ghee vidio na, ra u ghi ya tie inọta ne emwa mobọ nọ vbekpa vbene ima ya gu emwa ruẹ e Baibol hẹ.
U hoo ne u ka rẹn emwi eso ni rre ebe na ra?
Ghee iruẹmwi nokaro ọghe ebe na, nọ re omuhẹn ọghe iruẹmwi e Baibol.
Deghẹ u mu egbe nẹ
Klik ako na, ne u ya ru emwamwa ọghe iruẹmwi e Baibol ruẹ nokaro.