(Kapaddu na Episode: 52:46)

Kinagi ni Juan Bautista i paddattal na Mesias. Nigafu ni Jesus i ministerio na. Magiraw taw nga episode yaw ira nga nesimmu ta Biblia:

• Nigafu ni Juan Bautista i ministerio na (Lucas 3:1, 2; Juan 1:6)

• Nepakannammu ni Juan ta totolay i meyannung ta tulu (Juan 1:7, 8)

• Nilayyagayya ni Juan i meyannung ta bawtismo (Mateo 3:1-12; Lucas 3:3-18; Marcos 1:1-8)

• Bawtismo ni Jesus (Mateo 3:13-17; Marcos 1:9-11; Lucas 3:21, 22)

• Nigiya na espiritu si Jesus ta katanapan (Marcos 1:12, 13; Mateo 4:1; Lucas 4:1, 2)

• Ginafuan ni Jesu-Cristo (Lucas 3:23-38; Mateo 1:1-17)

• Ari nappatenta si Jesus ta Diablo (Mateo 4:2-11; Lucas 4:3-13)

• Kinagi ni Juan nga ari yayya i Cristo ngem yayya yuri i mangiyaga-agal ta tana-tana (Juan 1:19-28)

• Niyammammu ni Juan nga si Jesus “i Kordero na Dios” (Juan 1:29-31)

• Pinakurug ni Juan nga minulug anna nattun i espiritu kani Jesus anna kinagi na nga si Jesus i mamawtiso gukaban na masanto nga espiritu (Juan 1:32-34)

• Ziminaddan kani Jesus i disipulo ni Juan (Juan 1:35-39)

• Niyangay ni Andres si Pedro kani Jesus (Juan 1:40-42)

• Nabbalin tu disipulo ni Jesus si Felipe anna Nataniel (Juan 1:43-51)

• Pinabbalin ni Jesus tu binarayang i danum ta boda ta Cana ta Galilea (Juan 2:1-12)

• Pamakarenu ni Jesus ta templo ta Jerusalem (Juan 2:13-17)

• Kinagi ni Jesus ta kumokkontra ira nga Judio i meyannung ta pamataddag na uli ta templo ta tallu nga aggaw (Juan 2:18-22)

• Aru i nangurug kani Jesus megafu ta milagro na ira (Juan 2:23-25)