Yesu Sɔmɔmi Ní Tsumi ɔ He Sane—Video Ɔmɛ A He Munyu Kpiti Ko
VIDEO ƆMƐ
Nɔ́ Nɛ A Po Lɛ Kpiti
E Ngɛ Gbihi Nɛ Hiɛ Pe 500 Mi
Wa suɔ nɛ nihi nɛ a ngɛ je ɔ mi he slɔɔtohi ɔ nɛ a nu níhi nɛ Yesu tsɔɔ ɔmɛ ngɛ a je gbi mi
Baiblo ɔ Nɔ A Da Kɛ Pee
A je video ɔ mi munyu ɔmɛ kɛ je Mateo, Marko, Luka, kɛ Yohane Sane Kpakpa Womi Ɔmɛ a mi
A Hla Níhi A Mi Fitsofitso
Waa kɛ jehahi fuu hla níhi a mi bɔ nɛ pee nɛ níhi nɛ ya nɔ ngɛ video ɔ mi ɔ nɛ da pɛpɛɛpɛ
Video Ɔmɛ
A pee video ɔ eko nɛ a kale níhi nɛ ngɛ nɔ yae ɔ ngɛ mi ɔ ha nihi nɛ a hɛngmɛ yu kɛ nihi nɛ a hyɛ we nɔ́ kpakpa ko ɔ.
VIDEO 1
Yosef kɛ Maria ná he blɔ nɛ se be kaa a ma tsɔse Mawu bi Yesu kaa mɛ nitsɛmɛ a bi.
VIDEO 2
Yohane Nɔ Baptisilɔ ɔ bɔ Mesia bami ɔ he amaniɛ. Yesu je e sɔmɔmi ní tsumi ɔ sisi.
VIDEO 3
Yesu tsɔɔ Nikodemo, Samaria yo ɔ, kɛ nihi nɛ a ngɛ Nazaret ɔ ní. Se e slo bɔ nɛ a ti nɔ fɛɛ nɔ pee e ní ha.
VIDEO 4
Yesu tsa hiɔtsɛmɛ, e hiaa daimoniohi, e tsɔɔ nihi ní nɛ a ba pee e kaseli, nɛ e hla e bɔfohi 12 ɔmɛ.
VIDEO 5
Benɛ Yesu tsa nihi babauu ɔ ta a, e tu e Yoku ɔ Nɔ Fiɛɛmi munyu nɛ nihi le wawɛɛ ɔ.
VIDEO 6
Yesu tle yalɔyo ko binyumu si, e ngɔ nɔ́ he tomi níhi nɛ a sisi numi yí kɛ tsɔɔ ní, nɛ e ha nɔ́ nɛ ngɛ e tue buli ɔmɛ a tsui mi ɔ je kpo.
Video ɔ Fuu Ngɛ Blɔ Kɛ Ma
A ma pee video ɔ kakaaka 18. Daa jeha a, a ma je video ɔ ekomɛ kpo kɛ yaa si lɛ tsuo maa je kpo. Ngɛ May 2027 ɔ, a ma je eko kpo.
Kɛ Níhi Nɛ Yesu Tsɔɔ ɔ Maa Ye Bua Mo Ha Kɛɛ?
Yehowa Odasefohi maa suɔ nɛ a ye kɛ bua mo konɛ o le Yesu he níhi fuu nɛ́ o na bɔ nɛ e ga womi ɔmɛ nɛ o kɛ ma tsu ní ɔ ma ha nɛ o ná bua jɔmi wawɛɛ ha amlɔ nɛ ɔ. O ma nyɛ kase níhi fuu ngɛ jw.org ɔ nɔ, aloo moo ngma kɛ bi konɛ a kɛ mo nɛ ba kase Baiblo ɔ flii.
Eko ɔ, O Bua Maa Jɔ Enɛ ɔ Hu He
BAIBLO TSƆƆMIHI NƐ A HE HIA WAWƐƐ
Mɛni He Je Nɛ Yesu Gbo?
Baiblo ɔ tsɔɔ kaa Yesu gbenɔ ɔ he ngɛ se nami wawɛɛ. Anɛ yi mi tomi ko ngɛ e gbenɔ ɔ he lo?