“Obukama Bwawe Bwije”—Oku n’Okushaba kw’Abantu Nyamwingi
Orashabireho ngu Obukama bwa Ruhanga bwije? Kumara ebyasha bingi, obukaikuru bw’abantu batwire nibashaba barikugarukamu ebigambo ebi: “Obukama bwawe bwije.” Ahabw’enki nibaguma nibagarukamu ebigambo ebyo omu kushaba? N’ahabw’okugira ngu Yesu akagambira abakuratsi be kushaba aha bikwatiraine n’Obukama bwa Ruhanga.
Omu kubanza, abakuratsi ba Yesu tibarayetegyereize buri kimwe ki yaagambire aha Bukama obwo. Eizooba rimwe bakamubuuza bati: “Mukama waitu, obu nibwo bunaku obu orikwenda kugaruriramu obugabe bwa Israeli?” Nibabaasa kuba baashobeirwe Yesu ku yaayangire kubagarukamu butunu obu Obukama bwa Ruhanga buraije. (Ebyakozirwe 1:6, 7) Mbwenu shi eki nikimanyisa ngu titurikubaasa kumanya eki Obukama bwa Ruhanga buri n’obu buraije? Ngaaha buzima!
Omunaara gw’Omurinzi ogu niguza kutuhwera kutunga eby’okugarukamu by’ebibuuzo ebi:
Ahabw’enki nitwetenga Obukama bwa Ruhanga?
Omugabe w’Obukama bwa Ruhanga n’oha?
Obukama bwa Ruhanga nibwija kutegyeka ensi ryari?
Obukama bwa Ruhanga nibwija kuhikiiriza ki?
Ahabw’enki oine kucwamu kushagika Obukama bwa Ruhanga hati?
Obukama bwa Ruhanga niki?
Noobaasa Kukunda n'Ebi
OMUNAARA GW'OMURINZI
Ahabw’enki Twine Kushaba ngu Obukama bwa Ruhanga Bwije?
Obukama bwa Ruhanga nibwija kukora ki eki gavumenti z’abantu zitarikubaasa?
ENYEGYESA ZA BAIBULI ENKURU
Obukama bwa Ruhanga Niki?
Yesu omu buheereza bwe bwona, akeegyesa aha Bukama bwa Ruhanga kukira ebintu ebindi. Kumara ebyasha bingi, abakuratsi be batwire nibashaba ngu Obukama obwo bwije.
EBIBUUZO EBI BAIBULI ERIKUGARUKAMU
Okushaba kwa Mukama Waitu shi Nikwo Kurikukirayo Oburungi?
Okushaba kwa Mukama Waitu shi nikwo kushaba kwonka oku Ruhanga arikusiima?
