Hwera abakuhurikiize kweshwijuma. Koresa ebibuuzo ebitarikwetengyesa kugarukamu kuhwera abakuhurikiize kweshwijuma.

Higa abakuhurikiize kukora ekihikire. Bahigye kwetegyereza ahabw’enki nibakora ebihikire. Bahwere kukora ebirungi ahabw’okukunda Yehova, abantu bagyenzi baabo, n’enyegyesa za Baibuli. Bahwere kureeba obuhabuzi oburi omu Baibuli omu mwanya gw’okubagambira bugambira eky’okukora. Omu mwanya gw’okubareetera kuhemuka nari kweshinja, aha muheru gw’orubazo rwawe baine kuhurira bagarukiremu amaani, kandi bahigirwe kukora eki barikubaasa.

Ta omutima aha kuhimbisisa Yehova. Yoreka oku enyegyesa za Baibuli, emisingye, n’ebiragiro birikworeka emitwarize ya Ruhanga na rukundo ei atwiniire. Hwera abakuhurikiize kugira ekihika ky’okufayo aha ku Yehova arikwehurira n’oku barikubaasa kumushemeza.