Puku ya mathomo ya Beibele e re botša ka dilo tše dibotse tšeo Jehofa a di bopilego legodimong le mo lefaseng. Ge e ba o le motswadi, thuša ngwana wa gago go bona dilo tše di fapafapanego tša go makatša tšeo Jehofa a di bopilego. Mmontšhe kamoo Jehofa a dirilego gore batho ba fapane le diphoofolo. O dirile gore re kgone go bolela, go nagana, go dira dilo, go opela le go mo rapela. Thuša ngwana wa gago go bona gore Jehofa o na le matla le bohlale. Sa bohlokwa kudu, mo thuše go bona gore Jehofa o rata tlholo ya gagwe ka moka, go akaretša le yo mongwe le yo mongwe wa rena.