Dikgatišo tša rena di na le diswantšho tše dintšhi tšeo di re rutago dintlha tše bohlokwa. O ka di diriša bjang gore di go hole?

• Lebelela diswantšho pele o bala sehlogo seo o tlago go ithuta sona. Go no swana le ge o fela pelo ya go ja dijo tšeo di go kgahlago ge o di lebeletše, diswantšho di tlo go dira gore o fele pelo ya go bala. Bjale pele o ka bala ipotšiše gore, ‘Ke bona eng’?—Amose 7:​7, 8.

• Ge o dutše o bala, ipotšiše gore ke ka baka la eng go dirišitšwe diswantšho tšeo. Bala le mantšu ao a sepedišanago le diswantšho goba tlhaloso ya diswantšho ge eba di le gona. Naganišiša kamoo diswantšho tšeo di lego gona di sepedišanago le sehlogo seo o se balago le gore o ka diriša bjang seo o ithutago sona diswantšhong tšeo.

• Ge o fetša go bala lebelela diswantšho tšeo gape gomme o di diriše gore o ikgopotše dintlha tša bohlokwa sehlogong seo. Tswalela mahlo gomme o leke go gopola diswantšho le gore di go rutile eng.

• Lebelela diswantšho tšeo di le go gona mo kgatišong ye gape, e le gore o kgone go gopola dilo tšeo o ithutilego tšona.