Emisyo 2:1-22
2 Mughala waghe, wamabiligha ebinywa byagheN’eribika ndeke-ndeke emighambo yaghe,
2 Omw’ihulikirira ndeke-ndeke amengeOmw’ikingula omutima waghu atoke eriyiteghererya;
3 Kandi wamabibirikira amengeKandi wamabisumba omulenge utoke eribana obutoki bw’eriyiteghererya;
4 Wamabilola embere erisondyabyo ngoko mundu akasondaya efeza*Kandi wamabilola embere erisondya-sondyabyo ngoko mundu akasondaya ebindu by’obughuli ebibisire,
5 Ighukendiminya ngoko omundu angubaha YehovaKandi ighukendiminya emyatsi mingyi oko Mungu.
6 Kundi Yehova iyuwene-wene yukaha omundu y’amenge;Omo buno bwiwe mukalua ebinywa ebikawatikaya omundu eriminya emyatsi minene n’eribya n’obutoki bw’eriyiteghererya.
7 Akabikira abandu abalungukere b’amenge;Iye ni ngabo y’abandu abaluyirirene.
8 Akateghaya esyonzira sy’abatunganene,Kandi akendisyateya enzira y’abataleghula biwe.
9 Neryo ighukendiminya ekitunganene, ekilungukere, n’ekyuwene,Kandi ighukendiminya enzira eyuwene nga y’eyahi.
10 Omughulu akendingira omo mutima waghuN’omughulu enafsi* yaghu ikenditsemera eriminya emyatsi,
11 Obutoki bw’erilengekania ndeke bukendikuteya,N’obutoki bw’eriyiteghererya bukendikutsunga,
12 Bukendikuwatikya eritendikwama enzira eyituwene,Bukendikuwatikya eritendikwama omundu oyukabugha ebinywa ebituwene,
13 Bukendikuwatikya eritendikwama abakaleka enzira eyilungukere,Neryo ibakwama enzira eyirimo omwirimya,
14 Bukendikuwatikya eritendikwama abakatsemera erikola emyatsi mibi,Abakatsemera obubi,
15 Abo esyonzira syabo sihengemireKandi abakakola emyatsi eyiri mbilinga-mbilinga.
16 Bukendikuteya oko mukali mutswatswa,*Bukendikuwatikya eritendihulikirira ehinywa ehisihire hy’omukali mutya-mutya.*
17 Oyukaleka omwira wiwe oyo babya naye eritsuka omughulu abya iniakine musikaN’eribirirwa endaghane eyo akola n’oMungu wiwe.
18 Kundi enyumba yiwe ikatoberaya omundu y’omo luholo,N’esyonzira siwe sikatwala omundu eyiri abatawite akaghala abali omo yisinda.
19 Obuli mundu oyukaghotsera naye* syendisyayilusyayo,Kandi syendisyatoka erisuba omo syonzira esikatwala oko ngebe.
20 Neryo ukwame enzira y’abandu abuweneKandi isiwalua omo syonzira sy’abatunganene,
21 Kundi abatunganene basa bo bakendisyikala oko kihugho,N’abandu abaluyirirene bo bakendisyasighala kukyo.
22 Aliwe ababi, bakendisyalusibwa oko kihugho,N’abatebya bakendisyalusibwa kukyo.
Ebinywa by'eyikwa
^ Ni kindu ky’obughuli ekikalua omo kitaka.
^ Ulebaye Amaana w’ebinywa.
^ Kinywa kwa kinywa, “mugheni.” Alinga omukali oyo wabiriyihighula oko Mungu busana n’erikola ebibi.
^ Kinywa kwa kinywa, “mugheni.” Alinga omukali oyo wabiriyihighula oko Mungu busana n’erikola ebibi.
^ Kinywa kwa kinywa, “oyukingira omwiwe.”
