Emisyo 19:1-29

  • Amenge w’omundu akabonderaya ekinigha kiwe (11)

  • Omukali w’omupepe ali ng’olutwe olukatogha (13)

  • Omukali w’amenge akalua oko Yehova (14)

  • Ukunge omwana ihakine amaha (18)

  • Ni ky’amenge erihulikirira amahano (20)

19  Kyuwene eribya mwera ighunaluyirireneKulenga kw’eribya mukiru ighunemubugha amabehi.  2  Sikyuwene omundu* eribya isyasi emyatsi,N’oyukahahayira* akakola erilolo.  3  Obukiru b’omundu bo bukaleka inialaba omo nzira eyituwene,N’omutima wiwe akahitana kutsibu oko Yehova.  4  Obuteke bukaleka omundu iniayira oko bira bangyi,Aliwe omwera akasighanibawa nibya n’omwira wiwe.  5  Omwimiri* mubehi syendisyabula erihabwa amalipizi,N’omundu oyukabugha amabehi w’obuli ndambi* syendisyabala.  6  Abandu bangyi bakarondaya eriliwa n’eseghu-seghu,*N’obuli mundu akabya mwira w’oyukaha abandu b’ebihembo.  7  Omwera akaponawa n’abaghala babo bosi;Ibwa abira biwe bakalw’ibamusagha kutsibu! Akabera eribalemba-lemba, aliwe sihali oyukamusubiraya.  8  Oyukabana obwenge* ayanzire.* Oyukalangira eriyiteghererya mo ry’omughaso akendisyabana emiyisa.*  9  Omwimiri* mubehi syendisyabula erihabwa amalipizi,N’omundu oyukabugha amabehi w’obuli ndambi* akendisyatoghotibwa. 10  Sikyuwene oko omukiru eribya omo maisa aghuwene kutsibu;Sikyuwene kutsibu oko omughombe eritabala abakulu! 11  Oko kwenene, amenge w’omundu akabonderaya ekinigha kiwe,Kandi abandu bakamutsemera omughulu akaghanyira* ekosa. 12  Ekinigha ky’omwami kiri ng’eriruruma ry’esimba,*Aliwe olukogho lwiwe luli ng’ekimi ekiri oko biti. 13  Omwana mukiru akaleka baba wiwe iniahangya-hangya,N’omukali w’omupepe* ali ng’olutwe olukatogha. 14  Abobaba bo bakasighira abana babo b’enyumba n’obuteke,Aliwe omukali w’amenge akalua oko Yehova. 15  Obughata bukaletera omundu y’ehighotseri hinene,N’omulundu akendisyakwa enzala. 16  Oyukasikaya omughambo akateghaya engebe* yiwe;Oyukasekereraya ebikaluira omo ebyo akakola akendisyahola. 17  Oyukakolera omundu w’ahisi omo lukogho akabweka Yehova,Naye akendisyamuliha* busana n’ebyo akakola. 18  Ukunge omwana waghu ihakine amaha,Oluholo lwiwe isilwabya omo mutwe waghu. 19  Omundu oyukahitana-hitana akendisyahabwa amalipizi,Wamabisonda erimubalya, ighukendisyabya ukakola utya ngendo-ngendo. 20  Hulikira erihano n’eriligha erikungwa,Utoke erisyabya n’amenge omo biro ebikasa. 21  Omutima w’omundu akapanga myatsi mingyi,Aliwe erisonda rya Yehova* ryo rikendisyabererera. 22  Ekyo bakanza oko mundu l’olwanzo lwiwe oluteleghula,Kamwanya iwabya mwera kulenga kw’eribya mubehi. 23  Eryubaha Yehova rikakolaya oko ngebe;Oyumubahire akaluhuka ndeke, syalihikirawa n’obuhanya. 24  Omughata akatoberaya ebyala biwe by’omo kibakuli ky’efete,Aliwe iniataluka n’erikolabyo oko buno bwiwe. 25  Uhunze omundu oyukasekereraya kusudi oyutewatalola oko binene abye n’amenge,Kandi ukunge omundu oyuli n’obutoki bw’eryowa emyatsi yo ndeke kusudi atasyaminya emyatsi mingyi. 26  Oyukakolera baba wiwe yo muhanda n’erihigha mama wiweNi mwana oyukahemula n’eriita esisoni. 27  Mughala waghe, wamabileka erihulikirira ebinywa by’erikunga,Iwamaghana ebinywa ebyangakuwatikya eriminya emyatsi mingyi. 28  Omwimiri* mutya-mutya akasekereraya ekitunganene,N’obuno bw’omubi bukatsemera ekibi. 29  Babiribikira abakasekereraya b’amalipizi,N’esyofimbo ni sy’erihunza omughongo w’abakiru.

Ebinywa by'eyikwa

^ Kutse “enafsi.”
^ Kinywa kwa kinywa, “N’oyo wanguhire omo maghulu wiwe.”
^ Kutse “Omutemwe.”
^ Kutse “ngoko akahumula.”
^ Kutse “oyukahitaya; omwenge.”
^ Kinywa kwa kinywa, “Oyukabana omutima.”
^ Kutse “anzire enafsi yiwe.”
^ Kinywa kwa kinywa, “ekyuwene.”
^ Kutse “Omutemwe.”
^ Kutse “ngoko akahumula.”
^ Kinywa kwa kinywa, “akalaba endata oko.”
^ Kutse “ry’esimba nyilere eyiswireko obweya omo bikya.”
^ Kutse “w’obuno.”
^ Kutse “enafsi.”
^ Kutse “akendisyamuhemba.”
^ Kutse “ebyo Yehova anzire.”
^ Kutse “Omutemwe.”

Copyrights for this publication