Ko e Vahega Lilifu Lahi he Fakaalofa

HE LAULAHI he tau tutuaga he Tau Tohiaga Tapu Heleni Kerisiano, po ke Maveheaga Fou, ko e kupu “fakaalofa” ko e liliuaga he kupu Heleni a·gaʹpe.

He fakamaama e kakano he kupu ia, ko e tohi Insight on the Scriptures * kua pehe: “Nakai ko e manamanatuaga e [a·gaʹpe], ne fakave ke he matutakiaga fakatagata noa, ne fa manamanatu ki ai, ka ko e mahani mitaki po ke fakaalofa fiafia ne fakave ke he taliaaga pauaki he finagalo ko e puhala he matapatu fakaakoaga, matagahua, mo e tonuhia, he kumi fakamoli ke he mitaki he falu hagaao ke he mena kua hako. Kua fakakautu he a·gaʹpe (fakaalofa) e tau faitaua fakatagata, he nakai fakaata e tau mena nei ke fakatupu e taha ke tiaki e tau matapatu fakaakoaga hako mo e ke fetauiaki pihia.”

Maeke foki he a·gaʹpe ke putoia e logonaaga hokulo. “Kia mua ke he tau mena oti ke moua e mutolu e fakaalofa lahi [a·gaʹpe] ko e taha kia taha,” he tomatoma he aposetolo ko Peteru. (1 Peteru 4:8) Ti, liga kua pehe ke he a·gaʹpe kua putoia e loto mo e pihia foki e manamanatuaga. Ko e ha he manamanatu ke he falu kupu tohi kua fakakite e malolo mo e laulahi he vahega fakaalofa lilifu lahi nei? Ko e tau kupu tohi na kua liga lagomatai lahi: Mataio 5:43-47; Ioane 15:12, 13; Roma 13:8-10; Efeso 5:2, 25, 28; 1 Ioane 3:15-18; 4:16-21.

[Matahui Tala]