¿Onka seki películas, amoxtin noso tlakuikaltin tlen xkinkauiliaj ika manoyolpaktikan iteixpantijkauan Jehová?
Ka. Ikalpan toTajtsin xkijtoua katlejua películas, tlakuikaltin noso amoxtin xuelis ika noyolpaktis cada se de tejuamej. ¿Tleka?
Biblia kijtoua ika tinochimej noneki matiuelikan matiktlapejpenikan toseselti tlen kuajli niman tlen xkuajli (Hebreos 5:14).
ToTajtsin iTlajtol kinpiya tlajtolyekanalistin tlen techpaleuiyaj kuajli matiktlapejpenikan tlenon ika toyolpaktiskej. a Nochi tlen tikchiuaj ipan tonemilis, nochipa tiknekij tiktlakamatiskej tlen kijtoua Efesios 5:10, kampa techijlia: “Xtejtemokan ken uelis nenkipaktiskej toTeko”.
Biblia kinmachtia tajtin ika yejuamej makinyekanakan inchanejkauan, ika yejon, yejuamej uelis kijtoskej tlenon xnochiuas ipan inchan (1 Corintios 11:3; Efesios 6:1-4). San ika, ipan tlanechikojli xakaj kipiya ika kijtos tlen película xuelis noitas noso tlen tlakuikajli xuelis nokakis nion xakaj uelis kijtos tlenon noneki kitlapejpeniskej nochimej iteixpantijkauan Jehová (Gálatas 6:5).
a Matikteneuakan seki, Biblia kijtoua ika maka matikchiuakan naualyotl, auilnemilistli noso matiktechiuilikan tlen xkuajli (Deuteronomio 18:10-13; Efesios 5:3; Colosenses 3:8).
Puede que también le interese
PIZARRA ANIMADA
Videojuegos: ¿Akinon tetlantiuj?
Maski melak timoyolpaktis ijkuak timauiltia ika videojuegos, noneki timotlajpiyas. ¿Tlenon uelis tikchiuas niman ijkon maka mamitsijtlakokan?
TLAMACHTILTIN ITECH BIBLIA
Xkita kenon titemachtiaj
Xkita kenon tiktlajtlanis mamitsmachtikan Biblia kampa xtlaj tiktlaxtlauas.