Xionyoui kampa nesi tein kipia

Xionyoui kampa nesi tein kipia

 TAMAJSIKAYOT

Keniuj timouikaskej iuan akin kikixtiaj itech nechikol

Keniuj timouikaskej iuan akin kikixtiaj itech nechikol

Se kiitas ke se ichankauj oso se iteltasojikniuj moneki kikixtiskej itech nechikol porin amo moyolnonotsa, yejua tein okachi teyolkokoj. Itech Biblia techiluia keniuj moneki timouikaskej iuan akin kikalankixtiaj. Uan kemej tikseliskej tein kijtoua, tiknextiskej ox tikteltasojtaj Dios oso amo, uan ox tiktakamatij oso amo tein yejuatsin kijtoua maj mochiua. * Yejika, maj tikitakan seki netajtanilmej tein uelis tikpiaskej.

¿Keniuj moneki timouikaskej iuan akin kikalankixtiaj? Biblia kijtoua: “Amo iuan ximouikatinemikan se taneltokakej komo yejua auilkanemi [...] oso xijxikuintanemilijtinemi; oso yejua kinmouistilia tatadiosmej; oso yejua taijijtojtinemi; [...] oso yejua tauantijtinemi; oso yejua tachtektinemi. Uan [...] amo no iuan xitakuakan” (1 Corintios 5:11). Uan no techiluia: “Nekes ten [...] amo kichiujtinemij in tamachtilis ten Cristo technextilia, [...] amo xikinselikan tech namokalijtik [...] uan nion no xikintajpalokan. Porin ne ten kintajpaloaj [...], yejua ne ninuan poujtok ya in amokuali chiualismej” (2 Juan 9-11). Itech La Atalaya 15 de noviembre de 1981, itech página 19, kinextia: “Maski sayoj tikiluiskej aksa ‘¡Niyouj!’, yejua nejon yekinika taman tein uelis techuikas maj titajtokan iuan, oso xa hasta maj peua timouikakan iuan. ¿Tiknekiskiaj tikchiuaskej nejon yekinika taman tein techuikas maj iuan timouikakan?”. Keman se tein pouia itech nechikol kikalankixtiaj, amo iuan titajtouaj nion teyi tein kipia ke kiitas iuan Dios, niono timouikaj iuan.

¿Motelneki maj senkis amo timouikakan iuan? Kemaj, uan moajsi miak taman keyej moneki tikchiuaskej. Yekinika, porin tiknextiaj ke amo tikauaj Dios uan tiktakamatij iTajtol. Kemej tikteltasojtaj Jiova, nochipa tiknekij tiktakamatiskej maski tel ouij techkisas. Uan no, senkis tikneltokaj ke yejuatsin yolmelauak uan tetasojtakej, uan ke nochi itanauatiluan techpaleuia maj kuali techyoui (Isaías 48:17; 1 Juan 5:3). Ojpatika, porin tajtakolchiujkej  tein amo moyolnonotsa, teijtakoua iamo kuali tachiualis. Yejika, keman amo iuan timouikaj, techpaleuia maj amo kijtako toyekuikalis iuan Dios, uan maj tiksentokakan tichipaujkanemikan. Uan no, titapaleuiaj maj mopia chipauak nechikol uan maj amo kijtouilikan tein amo kuali (1 Corintios 5:6, 7). Expatika, porin uelis kipaleuis akin kikalankixtiaj. ¿Keniuj? Komo senkis tiktakamatij principios bíblicos, uan tikpaleuiaj imin taixejekolis tayekananij tein kimelauaj se tajtakolchiujkej, uelis kiolinis maj kipata itanemilil tajtakolchiujkej, tein hasta axkan amo kichiua kemej kipaleuijkej. Kemaj, senkis tikchiuaskej kemej Jiova technauatia, uelis kipaleuis maj moyolyemani uan maj moyolpata. Keman kiitas ke kipoloj iyekuikalis imiuan ichankauan uan itasojikniuan, xa ‘monemilis’ uan kiajsikamatis ke ueyitajtakoj uan kiolinis maj kitemo mokepas iuan Jiova (Lucas 15:17).

¿Uan komo tochankauj akin kikalankixtijkej? Uelis moitas ox senkis tiyetokej itechkopa Jiova oso amo, komo akin kikalankixtijkej se tochankauj. Keman ijkon timoajsiskej, ¿keniuj timouikaskej iuan? Nikan amo ueli tikijtouaj nochi taman tein uelis tikpanoskej, sayoj ke tikitatij ome taman.

Kemansa akin kikalankixtiaj semej tetatmej oso konemej tein ayamo moxelouaj. Kemej kisentoka mochiujtok imin chankauj, kiitaj ke amo onkak kuejmol maj kisentoka nemi imiuan oso maj imiuan tekiti. Sayoj ke kemej kinekij kinextiskej ke senkis yetokej itechkopa Jiova, amo ueli kikauaj maj teuanti itech imin taueyichiualis, ta yejua kiixpejpenak moxelos itech nejon. Xa kikauaskej maj yeto iniuan keman taueyichiuaskej kemej kalyetouanij, sayoj ke amo uelis tajtos. Axkan, komo akin kikalankixtijkej nojnelok, tetatmej uelis kimachtiskej ika Biblia, ta yejua nejon kiniluia Jiova, maj kinimachtikan uan maj kinimelauakan (Proverbios 6:20-22; 29:17). *

¿Uan komo akin kikalankixtijkej moxelojya? Keman ijkon panoua, tokniuan tein kisentokaj kitekitiliaj Jiova, tel tepitsinsaj iuan tajtouaj. Uan kichiuaj sayoj keman motelneki kiitaskej teisa kemej kalyetouanij. Amo kitejtemouaj mosentiliskej iuan. Kemej kinextiaj ke kitasojtaj Jiova uan inechikol, amo kualanij maj  imin chankauj kikalankixtikan kemej kijtoua Biblia. Kinekij maj kuali kiyoui. Yejika kichiuaj kemej tanauatia Dios, ta kimatij ke uelis kipaleuis tamejmelaualis tein kiselij (Hebreos 12:11). *

^ párr. 1 Principios bíblicos kampa ika motajtoua akin kikalankixtiaj, no moneki ijkon tikchiuaskej imiuan akin senkis kijtouaj ke amo kinekijok eskij itaixpantijkauan Jiova.

^ párr. 2 Komo tikonneki tikonmatis okachi tein moneki se kichiuas imiuan akin kinkalankixtiaj tein nojnelmejok uan ayamo moxelouaj, xikonita La Atalaya 1 de octubre de 2001, págs. 16, 17, uan 15 de noviembre de 1988, pág. 20.

^ párr. 3 Komo tikonneki tikonmatis okachi ika principios tein kijtoua keniuj timouikaskej imiuan akin kinkalankixtiaj, xikonita La Atalaya 15 de abril de 1988, págs. 26-31, uan 15 de noviembre de 1981, págs. 20-25.