Xionyoui kampa nesi tein kipia

Xionyoui kampa nesi tein kipia

 TAMAJSIKAYOT

Toni kipaleuis akin momajmatoka iselti maj amo kichiuaok

Toni kipaleuis akin momajmatoka iselti maj amo kichiuaok

Dios amo kiyolpaktia maj aksa momajmatoka iselti, porin kiuika maj kineki yejuasaj moyolpaktis uan kijtakoua itanemilil. * Akin kichiua nejon, uelis kiuikas maj sayoj kinita oksekin kemej aksamej tein uelis imiuan auilnemis uan moyolpaktis. Tein melauj, amo kiitaok sexo kemej se teisa tein ika uelis kinextis netasojtalis, ta kemej se teisa tein uelis kiualkuilis yolpakilis tein amo uejkaua uan kiseuilis itanejnekilis. Sayoj ke nejon panouasaj. Uan amo yejuasaj, ta akin momajmatoka iselti, kiiskaltilia tanejnekilis tein kichiuas maj auilnemi uan maj kichiua tein pitsotik (Colosenses 3:5).

Tatitanil Pablo kijkuiloj: “Notasojikniuan, [...] moneki maj tiksentokakan tichipaujkanentinemikan [...]. Porin ne tajtakolnemilis techmaujtinemi ika tajtakol tech totakayo [oso tonakayo] uan tech totalnamikilis. Uan moneki maj timoyekyolchipaujtiyakan porin tikmouistilijtinemij Totajtsin Dios” (2 Corintios 7:1). Sekin tel ouij kinkisa mochipauaskej kemej techiluia nejin texto, sayoj ke moneki maj amo siyouikan. Jiova “niman tetapojpoluia” uan tepaleuia (Salmo 86:5; Lucas 11:9-13). Komo kikuejmoloua itanemilil uan mochikaua kikauas nejon tachiualis maski kemansa uetsis, kinextia ke kipia kuali iyolo. Maj amo keman tikelkauakan ke “Dios okachi ok ueyi [...] ke [...] toyolo porin Yejuatsin nochi kimati ten tikchiujtinemij” (1 Juan 3:20). Keman Jiova techita, amo kiita totajtakoluan ta toyolo. Kemej senkis techixmati, techiknelia keman tiktajtaniaj maj techtapojpolui. Yejika, maj tiksentokakan timotatataujtilikan ika  yolyemanilis uan ika nochi tochikaualis, kemej se konetsin kitajtania ipopaj maj kipaleui keman moneki. Jiova uelis kichipauas totanemilil (Salmo 51:1-12, 17; Isaías 1:18). Uan amo yejuasaj, ta no moneki tikchiuaskej kemej titajtanij itech netataujtil. ¿Kemej toni? Semej, maj amo tikitakan taixkopimej kampa moita auilnemilis uan maj amo timouikakan imiuan amo kuali tasojiknimej. *

Komo aksa kisentoka momajmatoka iselti, moneki tajtos imiuan itatuan tein momachtiaj oso iuan se tokniuj takat oso siuat, tein chikauak iyekuikalis iuan Dios uan iminka motekipachoua oksekin (Proverbios 1:8, 9; 1 Tesalonicenses 5:14; Tito 2:3-5). *

^ párr. 1 Keman aksa momajmatoka iselti kijtosneki ke kichiua nejon hasta maj mochiua orgasmo.

^ párr. 2 Miakej kiitaj ke motelneki maj kitalikan computadora kampa nochin kalyetouanij uelis kiitaskej, ta nejon tapaleuis maj mopiakan keman kitekitiltiskej. Oksekin kinemiliaj kitaliliskej programas tein kitsakuilia maj amo moita tein teijtakoj. Sayoj ke moneki tikelnamikiskej ke amo moajsi niose programa tein uelis senkis kitsakuilis tein teijtakoj.

^ párr. 1 Komo tikonneki tikonmatis okachi toni mitsonpaleuis amo xionmomajmatokaok moselti, xikonita tamachtilis tein itokay “Los jóvenes preguntan... ¿Cómo puedo superar este hábito?”, itech ¡Despertad! noviembre de 2006, uan amaix Lo que los jóvenes preguntan. Respuestas prácticas, vol. 1, págs. 205-211.