Tlaixkopinkayomej tlen Filipinas 1 (febrero 2014−mayo 2015)
Jehová itlajtoltemakauaj kichijchiuaj uan kikualchijchiuaj kali Betel tlen Filipinas, katli mopantia ipan Quezón City. Nopa amatlajkuiloli katli kitekiuiaj ipan ni altepetl nama mochijchiua ipan kali Betel tlen Japón. Nama nopa kali kampa kichijchiuayaya amatlajkuiloli kikualchijchiuaj, pampa nopona kitlalisej nopa Departamento Local de Diseño y Construcción (LDC), uan nopa departamentos de Computación, Mantenimiento, Envíos uan Traducción. Nochi ni tlaixkopinkayomej kinextia nopa tekitl tlen kichijtokej kampa achtouia mochijchiuayaya amatlajkuiloli uan ipan sekinok kalmej katli pejki ipan febrero 2014 uan tlanki ipan mayo 2015. Timoiljuijtokej tijtlamiltisej ni tekitl ipan octubre 2016.
Ni tlaixkopinkayotl kinextia kenijkatsa mokauas kali Betel tlen Filipinas. Nikaj nesi nopa kalmej katli kichiuaj uan kikualchijchiuaj:
Edificio 4 (Kampa mokauaj betelitas)
Edificio 5 (Departamento de servicio y Audio y Video)
Edificio 6 (Departamentos de Jardineria, Soldadura y el taller de reparación)
Edificio 7 (Departamentos de Computación, Mantenimiento, Envios, Traducción y LDC)
Febrero 28, 2014 (Edificio 7)
Katli tekitij san se keski tonali kitlaliaj ipan bolsas tlen plátisco nopa aislante tlen fibra de vidrio kiampa amo xolonis. Ni tlamantli uelis kintlanauis, yeka kitekiuiaj yoyomitl uan sekinok tlamantli tlen kinpaleuis.
Abril 2, 2014 (Edificio 7)
Kitlamiltijkej itsonpak nopa kali kampa kichiuasej videos ipan tlajtoli señas filipino. Kampa amo kitsajkej kitlalisej difusores de calefacción uan aire acondicionado.
Octubre 21, 2014 (Kampa tekitij ipan Quezón City)
Tlaxauaj kampa kitlalisej se tlamantli katli kiseseltis nopa atl tlen motekiuis ipan nochi kali Betel.
Diciembre 19, 2014 (Puente katli onasi ipan edificios 1, 5, uan 7)
Ni puente kinpaleuis ma asitij ipan edificios katli kineltekiuiaj, kej edificio 1, kampa tlakuaj. Nojkia tlauel kinpaleuis se 300 toikniuaj katli tekitij ipan edificio 7.
Enero 15, 2015 (Edificio 5)
Se grúa katli kitlalana 50 toneladas, kitlalana tlen kitlalisej itsonpak nopa kali. Maseualmej katli tekitij ipan sekinok empresas kintlanejtokej ma kitekiuikaj nopa grúas.
Enero 15, 2015 (Edificio 5A, katli nechka kichijchijtokej)
Ni kali kipia ome pisos uan iuexka 125 metros cuadrados, kipia ome baños, escaleras uan se elevador. Pampa ipan ni kali kitlalijkej baños uan escaleras, ipan edificio 5 tlauexka mokajki. Nojkia pampa nopa elevador kitlalijkej ipan ni kali, ayokmo kakisti yon se tlamantli kampa kichiuaj videos uan grabaciones.
Enero 15, 2015 (Edificio 5A, katli nechka kichijchijtokej)
Katli kitlaliaj varillas motsajtokej pampa tlauel tona. Ipan enero tlauel tona, tonaya asi se 29 grados centígrados uan ipan abril 34 grados centigrados.
Marzo 5, 2015 (Edificio 5)
Se keskij toikniuaj kitlaliaj uapali kalpani. Ipan edificio 5 kitekiuijkej nechka 800 uapali.
Marzo 17, 2015 (Edificio 5)
Se keskij tlapaleuianij kichijchiuaj mezcla. Kipano 100 tlapaleuiaj ipan ni tekitl. Sekij tlen inijuantij ualauij tlen Australia, Canadá, Corea del Sur, España, Estados Unidos, Francia, Japón uan Nueva Zelanda.
Marzo 25, 2015 (Edificio 5)
Kalpani tlen nopa edificio 5 kampa achtouia eltoya nopa Departamento de Traducción, kitlaliaj tepostli uan kiampa kitsakuaj. Ni edificio kikualchijchiuaj pampa nopona kitlalisej nopa Departamentos de Servicio, Audio uan Video.
Mayo 13, 2015 (Edificio 5)
Ika se sierra electrica, se katli nopaya tekiti, kikotona tepostli tlen kitekiuisej kema kichijchiuasej oficinas.
Tlen nojkia mitspaktis tikitas
TEKITL TLEN TIJCHIUAJ
Moaxitik kichijchiuaj mil Kalmej kampa mosentiliaj Jehová itlajtoltemakauaj
Ika se programa, Jehová itlajtoltemakauaj uelkej kichijki mil kali kampa mosentiliskiaj.