¡XITLACHIXTOKAJ! Pilamochtsi 2, 2019 | Chikuasej tlamantli tlen kinpaleuis mokoneuaj
Chikuasej tlamantli tlen kinpaleuis mokoneuaj
¿Tlake kuajkuali tlamantli mitspaktiskia ma kinexti mokone kema motlamis?
Kuali ma monauati
Ma moechkapano
Ma kiijiyoui tlen kipanos
Ma kimati tlen kinamiki kichiuas
Kuali ma motlalnamikti
Amo ma tlakajkayaua
Moneki tikinpaleuis mokoneuaj ma kinextikaj ni kuajkuali tlamantli pampa ininselti amo uelisej.
Ipan ni pilamochtsi moixtoma chikuasej tlamachtili tlen kinpaleuis mokoneuaj kuali ma monejnemiltikaj kema uejueyiasej.
Kuali timonauatis
¿Kenke tlauel ipati kuali timonauatis uan kenijkatsa uelis tijnextis ni kuali tlamantli?
Timoechkapanos
Tlaj tikinmachtis mokoneuaj ma moechkapanokaj kinpaleuis kuali ma itstokaj nama uan nojkia teipa.
Tikijiyouis tlen pano
Konemej katli kiijiyouiaj tlen kinpano kinpaleuia ma kimatikaj kenijkatsa kiixnamikisej kuesoli tlen teipa kipiasej.
Tijmatis tlen kinamiki tijchiuas
¿Kema monekiskia kimatis se akajya tlen kinamiki kichiuas, kema pilsiltsi o kema ya ueyi?
Tikiljuis katli ya ueyi ma kinpaleui
¿Ajkia uelis kuali kinyakanas konemej?
Timoyakanas ika kuajkuali tlamantli
Tlaj tikinmachtis mokoneuaj ma moyakanakaj ika kuajkuali tlamantli, kinpaleuis teipa kuali ma kitlapejpenikaj tlen kichiuasej.
Tlen nojkia kinpaleuis tetajmej
Tetajmej nojkia moneki kipiasej tlen ika moyakanasej, kiampa uelis yolpakisej. Tlaj nojua tijneki tijmatis, xikita jw.org.
