¿Ndáana kivi ku̱ʼu̱n?

Ndiʼina kivi ku̱ʼu̱n xíʼin na̱ veʼena.

¿Nda̱saa tiempo kooña?

Ki̱ʼva iin hora.

¿Ndáa mií kooña?

Nda̱ka̱tu̱ʼun iin na̱ testigo Jehová na̱ íyo yatin nu̱ú íyoún ña̱ va̱ʼa ka̱ʼa̱nna xíʼún ndáa mií kooña.

¿Á xíniñúʼu chaʼvii̱ ña̱ va̱ʼa ki̱ʼvii̱?

Va̱ása.

¿Á ndákayana xu̱ʼún ndaʼa̱ na̱ yiví?

Va̱ása ndákayandi̱ xu̱ʼún ndaʼa̱ na̱ yiví (Mateo 10:8).

¿Ndáa ki̱ʼva kundixii̱ ku̱ʼi̱n?

Ndi̱ʼi̱ na̱ testigo Jehová chíkaa̱ndi̱ ndee̱ ña̱ kiʼinndi̱ kuenta xíʼin ki̱ʼva ña̱ ndásaviínndi̱ miíndi̱ nda̱a̱ táki̱ʼva káchi Biblia. Ña̱kán va̱ása xíniñúʼuví kundixiún iin ti̱ko̱to̱ ña̱ yaʼviní á ña̱ va̱ʼaní náʼa̱.

¿Ndáaña kéʼéna tá ndátakana ña̱ ndakaʼánna xa̱ʼa̱ ña̱ ni̱xi̱ʼi̱ ta̱ Jesús?

Tá kíxáʼaña xítana iin yaa ta iin na̱ testigo Jehová kéʼéna oración. Tándi̱ʼi yáʼa iinna ta ndákanina ña̱ va̱xi nu̱ú Biblia ña̱ sándakaʼán miíyó xa̱ʼa̱ ña̱ ndáyáʼviní ña̱ ni̱xi̱ʼi̱ ta̱ Jesús xa̱ʼa̱yó, saátu káʼa̱nna xíʼinyó ndáaña va̱ʼa ndákiʼinyó xa̱ʼa̱ ña̱ ke̱ʼé Ndióxi̱ ta saátu ta̱ Jesús xa̱ʼa̱yó. Tá xa̱a̱ ndi̱ʼi, xítana inka yaa ta kéʼéna inka oración.

Tá kúni̱ún kunda̱a̱-iniún xa̱ʼa̱ ña̱yóʼo, kaʼvi artículo “¿Nda̱chun síín íyo ña̱ ndákaʼán na̱ testigo Jehová ña̱ ni̱xi̱ʼi̱ ta̱ Jesús nu̱ú inka religión?”.

¿Ama ndakaʼán tukuna xa̱ʼa̱ ña̱ ni̱xi̱ʼi̱ ta̱ Jesús?

2026: jueves 2 tí abril.

2027: lunes 22 tí marzo.