Káʼa̱nndi̱ xíʼún ña̱ ku̱ʼún xíʼinndi̱
Ná ndakaʼányó xa̱ʼa̱ ña̱ ni̱xi̱ʼi̱ ta̱ Jesús
Jueves 2 tí abril 2026
Káʼa̱nndi̱ xíʼún ña̱ ku̱ʼún u̱vi̱ reunión ta kǒo xu̱ʼún kiʼinna ndaʼún
Discurso ña̱ ndáyáʼviní
¿Ndáana ndasavií nu̱ú ñuʼú yóʼo?
Yóʼo kunda̱a̱-iniún ndáaña ndakiʼinyó chí nu̱únínu ta ndáa ki̱ʼva nduvií nu̱ú ñuʼú yóʼo.
Ná ndakaʼányó xa̱ʼa̱ ña̱ ni̱xi̱ʼi̱ ta̱ Jesús
Ki̱vi̱ ña̱ ndáyáʼviní yóʼo ndi̱ʼi̱ na̱ testigo Jehová ndakaʼánndi̱ xa̱ʼa̱ ña̱ ni̱xi̱ʼi̱ ta̱ Jesús, nda̱a̱ táki̱ʼva ni̱ka̱ʼa̱n miíra (Lucas 22:19).
Pregunta ña̱ kéʼé ku̱a̱ʼá na̱ yiví
¿Ndáana kivi ku̱ʼu̱n?
Ndiʼina kivi ku̱ʼu̱n xíʼin na̱ veʼena.
¿Nda̱saa tiempo kooña?
Siʼna discurso ña̱ ndáyáʼviní kuniso̱ʼoyó ta 30 minuto kooña, tándi̱ʼi sakúaʼayó xa̱ʼa̱ inka ña̱ va̱xi nu̱ú Biblia ta iin hora kooña.
Ki̱ʼva iin hora koo ña̱ Conmemoración.
¿Ndáa mií kooña?
Ña̱ va̱ʼa ndani̱ʼún ndáa míí kivi ku̱ʼún, ki̱ʼvi nu̱ú káʼa̱nña “Nandukú nu̱ú koo ña̱yóʼo” á nu̱ú káʼa̱nña “Yóʼo kivi ndani̱ʼún nu̱ú ku̱ʼún”.
Tá ná ku̱ʼún, ¿á kúni̱ kachiña ña̱ xa̱a̱ nduún testigo Jehová?
Va̱ása.
¿Á ndúkúna xu̱ʼún nu̱ú na̱ yiví?
Kǒo ndúkúndi̱ xu̱ʼún nu̱ú na̱ yiví (Mateo 10:8).
¿Ndáa ki̱ʼva kundixii̱ ku̱ʼi̱n?
Ndi̱ʼi̱ na̱ testigo Jehová kíʼinndi̱ kuenta xíʼin ki̱ʼva ña̱ ndásaviínndi̱ miíndi̱ nda̱a̱ táki̱ʼva káchi Biblia. Ña̱kán vií kuití ná koo ti̱ko̱to̱ ña̱ kundixiún ku̱ʼu̱n.
¿Ndáaña kéʼéna tá ndátakana ña̱ ndakaʼánna xa̱ʼa̱ ña̱ ni̱xi̱ʼi̱ ta̱ Jesús?
Tá kíxáʼaña xítana iin yaa ta iin ta̱ testigo Jehová kéʼéra iin oración. Tándi̱ʼi ya̱ʼa inkara ta ka̱ʼa̱nra xíʼinyó xa̱ʼa̱ ña̱ va̱xi nu̱ú Biblia ña̱ sándakaʼán miíyó xa̱ʼa̱ ña̱ ndáyáʼviní ña̱ ni̱xi̱ʼi̱ ta̱ Jesús xa̱ʼa̱yó, saátu ka̱ʼa̱nra xíʼinyó ndáa ña̱ va̱ʼa ndákiʼinyó xa̱ʼa̱ ña̱ ke̱ʼé Ndióxi̱ ta saátu ta̱ Jesús xa̱ʼa̱yó. Tá xa̱a̱ ndi̱ʼi, xítana inka yaa ta kéʼéna inka oración.
Tá kúni̱ún kunda̱a̱ka-iniún xa̱ʼa̱ ña̱yóʼo, kaʼvi artículo “¿Nda̱chun síín íyo ña̱ ndákaʼán na̱ testigo Jehová ña̱ ni̱xi̱ʼi̱ ta̱ Jesús nu̱ú inka religión?”.
¿Ama ndakaʼán tukuna xa̱ʼa̱ ña̱ ni̱xi̱ʼi̱ ta̱ Jesús?
2026: jueves 2 tí abril.
2027: lunes 22 tí marzo.
2028: domingo 9 tí abril.
Tá kúni̱kaún kunda̱a̱-iniún xa̱ʼa̱ ña̱yóʼo, koto video ña̱ va̱xi yóʼo:
Ná ndakaʼányó xa̱ʼa ña̱ ni̱xi̱ʼi̱ ta̱ Jesús
Yóʼo kotoún ndáa ki̱ʼva ndákaʼánna xa̱ʼa̱ ña̱ ni̱xi̱ʼi̱ ta̱ Jesús ta saátu kunda̱a̱-iniún ndáa ki̱ʼva kooyó chí nu̱únínu xa̱ʼa̱ ña̱ ni̱xi̱ʼi̱ ta̱ Jesús xa̱ʼa̱yó.
¿Nda̱chun ni̱xi̱ʼi̱ ta̱ Jesús?
Sana xa̱a̱ xíniso̱ʼún ña̱ ni̱xi̱ʼi̱ ta̱ Jesús xa̱ʼa̱ ku̱a̱chiyó, ¿á kuchiñu iinlá kuití ta̱yóʼo sakǎkura ku̱a̱ʼání na̱ yiví?
¿Ndáaña kéʼé na̱ testigo Jehová nu̱ú ndátakana?
Koto ndáa ki̱ʼva íyo salón nu̱ú ndátakandi̱ ta ndáa ña̱ kéʼéndi̱ tá xáʼa̱nndi̱ kán.
Kivi sanúún invitación yóʼo.