Ir al contenido

2024

Ná ndakaʼányó xa̱ʼa̱ ña̱ ni̱xi̱ʼi̱ ta̱ Jesús

¿Ndáa ki̱ʼva chindeétáʼan ña̱ ni̱xi̱ʼi̱ ta̱ Jesús xíʼún?

Káʼa̱nndi̱ xíʼún ña̱ ku̱ʼún u̱vi̱ reunión ta kǒo xu̱ʼún kiʼinna ndaʼún:

  • Kuniso̱ʼún iin discurso ña̱ ndáyáʼviní ña̱ naní “Ndataku na̱ ni̱xi̱ʼi̱: ta kǒo kuvika na̱ yiví”

  • Ña̱ ndakaʼányó xa̱ʼa̱ ña̱ ni̱xi̱ʼi̱ ta̱ Jesús

Ná ndakaʼányó xa̱ʼa̱ ña̱ ni̱xi̱ʼi̱ ta̱ Jesús

Domingo 24 tí marzo ña̱ 2024

Ndiʼi ku̱i̱ya̱ ndákutáʼan na̱ testigo Jehová ña̱ ndakaʼánna xa̱ʼa̱ ña̱ ni̱xi̱ʼi̱ ta̱ Jesús, nda̱a̱ táki̱ʼva ni̱ka̱ʼa̱n miíra: “Kǒo sandákoondó keʼéndó ña̱yóʼo” (Lucas 22:19).

Ndáamií koo ña̱ Conmemoración

DISCURSO ÑA̱ NDÁYÁʼVINÍ

“Ndataku na̱ ni̱xi̱ʼi̱: ta kǒo kuvika na̱ yiví”

Siaʼa naní ña̱ ka̱ʼa̱nna xa̱ʼa̱ iin semana tá kúma̱ní koo ña̱ Conmemoración, ña̱yóʼo kooña ki̱vi̱ sábado á domingo. Discurso yóʼo ka̱ʼa̱nña xa̱ʼa̱ ña̱ ndataku na̱ ni̱xi̱ʼi̱, ta ña̱yóʼo chindeétáʼanña xíʼinyó ta saátu xíʼin na̱ veʼeyó.

Ña̱ kúni̱ na̱ yiví kunda̱a̱-inina xa̱ʼa̱

¿Nda̱saa hora xíyoña?

Ki̱ʼva iin hora.

¿Ndáamií kooña?

Nda̱ka̱tu̱ʼun iin na̱ testigo Jehová ta na̱yóʼo ka̱ʼa̱n xíʼún ndáamií kooña.

¿Á xíniñúʼu chaʼvii̱ ña̱ ki̱ʼvii̱?

Kǒo xíniñúʼu chaʼvivíún.

¿Á ndákayana xu̱ʼún?

Va̱ása, ti̱xin reunión na̱ testigo Jehová kǒo ndúkúna xu̱ʼún nu̱ú na̱ yiví.

¿Ndáa ti̱ko̱to̱ xíniñúʼu kundixii̱?

Va̱ása xíniñúʼuví kundixiún ti̱ko̱to̱ ña̱ yaʼviní. Soo ndi̱ʼi̱ na̱ testigo Jehová chíka̱a̱ndi̱ ndee̱ ña̱ vií kunaʼa ti̱ko̱to̱ ña̱ ndíxindi̱, nda̱a̱ táki̱ʼva káʼa̱n Biblia (1 Timoteo 2:9). Kǒo xíniñúʼuví kundixiyó iin ti̱ko̱to̱ ña̱ yaʼviní ña̱ ku̱ʼu̱nyó kán.

¿Ndáaña kéʼéna tá xíyo Conmemoración?

Tá kíxáʼa reunión yóʼo xítana iin yaa, ta kéʼéna iin oración. Tándi̱ʼi, táxina iin discurso ña̱ sándakaʼán miíyó ña̱ ndáyáʼviní ña̱ ni̱xi̱ʼi̱ ta̱ Jesús xa̱ʼa̱yó ta ndáaña va̱ʼa ndákiʼinyó xa̱ʼa̱ ña̱ ke̱ʼé Ndióxi̱ xíʼin ta̱ Cristo xa̱ʼa̱yó. Ña̱ va̱ʼa sandíʼina xítana inka yaa ta saátu kéʼéna inka oración.

¿Ama kúú ña̱ koo inkaka Conmemoración?

2024: domingo 24 tí marzo.

2025: sábado 12 tí abril.

2026: jueves 2 tí abril.

Tá kúni̱ún kunda̱a̱ka-iniún xa̱ʼa̱ ña̱yóʼo kaʼvi artículo ña̱ naní “¿Nda̱chun síín íyo ña̱ ndákaʼán na̱ testigo Jehová ña̱ ni̱xi̱ʼi̱ ta̱ Jesús nu̱ú inka religión?”.

Ña̱ va̱ʼa kunda̱a̱ka-iniún xa̱ʼa̱ ña̱yóʼo, koto video yóʼo:

Ná ndakaʼányó xa̱ʼa ña̱ ni̱xi̱ʼi̱ ta̱ Jesús

Koto ndáaña va̱ʼa ndakiʼinyó chí nu̱únínu xa̱ʼa̱ ña̱ ni̱xi̱ʼi̱ ta̱ Jesús xa̱ʼa̱yó.

¿Nda̱chun ni̱xi̱ʼi̱ ta̱ Jesús?

Sana xa̱a̱ xíniso̱ʼún káʼa̱nna ña̱ ni̱xi̱ʼi̱ ta̱ Jesús xa̱ʼa̱ ku̱a̱chiyó. Soo, ¿á kivi chindeétáʼan ña̱ ni̱xi̱ʼi̱ ta̱ Jesús xíʼin ndiʼiyó?

Kivi sanuún ña̱ invitación yóʼo ta ixaa imprimiíúnña.