NAAN IN KEEAÑ No. 1 2023 | Nañinmej ilo Kõl̦mãnl̦o̦kjen̦—Wãween an Baibõl̦ eo Maroñ Jipañ
Ipel̦aakin lal̦ in, apañ ko me rej itok jãn nañinmej ilo kõl̦mãnl̦o̦kjen̦ rej jelõt elõñ milien armej ro. Ro rerũtto im ro reddik jekdo̦o̦n bõnbõnier ak joñan jel̦ãl̦o̦kjen̦ ko aer, ijo rej itok jãne, im kabuñ ta eo rej pãd ie ak er aolep rej iioon wãween ko reppen ikijjeen nañinmej ilo kõl̦mãnl̦o̦kjen̦. Ta mel̦el̦ein nañinmej ilo kõl̦mãnl̦o̦kjen̦, im ewi wãween an jelõte armej ro? Magazine in enaaj kõnono kõn jet iaan kein jipañ ko rekkar me juon emaroñ bũki jãn taktõ ro im wãween an Baibõl̦ eo maroñ jipañ ro rej iioon nañinmej in.
Juon Apañ Ej Wal̦o̦k Ipel̦aakin Lal̦—Nañinmej ilo Kõl̦mãnl̦o̦kjen̦
Nañinmej ilo kõl̦mãnl̦o̦kjen̦ emaroñ jelõt jabdewõt armej jekdo̦o̦n dettaer ak wãween aer kar dik im rũttol̦o̦k. Lale wãween an naanin jipañ ko ilo Baibõl̦ maroñ jipañ eok ñe ewõr am̦ nañinmej ilo kõl̦mãnl̦o̦kjen̦.
Anij Ej Kea Kake Eok
Etke kwõmaroñ lõke bwe el̦apl̦o̦k an Jeova Anij mel̦el̦e kõn l̦õmn̦ak im eñjake ko am̦ jãn jabdewõt armej?
1 | Jar—“Kom̦win Likũt Ippãn Aolepen Men ko Kom̦ij Eddodo Kaki”
Em̦ool ke bwe kwõmaroñ jar ñan Anij kõn jabdewõt men kwõj inepata kake? Ewi wãween an ro ewõr aer nañinmejin inepata maroñ bõk tokjãn jãn aer jar?
2 | “Naanin Kaenõm̦m̦an ko jãn Jeje Ko”
Naan ko ilo Baibõl̦ rej letok kõjatdikdik bwe m̦õttan jidik jeban bar metak ak bũrom̦õj.
3 | Bõk Tokjãn jãn Waanjoñak ko ilo Baibõl̦
Waanjoñak ko an em̦m̦aan im kõrã ro retiljek ilo Baibõl̦ me eñjake ko aer rej ãinwõt eñjake ko ad, remaroñ jipañ kõj eñjake bwe jejjab make iaad ilo ad kõm̦adm̦õde eñjake ko rej ko̦kkure kõl̦mãnl̦o̦kjen̦ ko ad.
4 | Baibõl̦ eo Ej Letok Naanin Tõl ko Remaroñ Jipañ Kõj
Lale wãween ko remaroñ jipañ eok ñan kijenmej ium̦win apañ ko kwõj iiooni jãn nañinmej eo am̦ ilo kõl̦mãnl̦o̦kjen̦, ikijjeen am̦ l̦õmn̦ak kake eoon ko ilo Baibõl̦ im kõm̦m̦an mejãnkajjik ko kwõj maroñ tõpari.
Wãween ñan Jipañ Ro Ewõr Aer Nañinmej ilo Kõl̦mãnl̦o̦kjen̦
Am̦ jipañ eo m̦õttam̦ me ewõr an nañinmej ilo kõl̦mãnl̦o̦kjen̦ enaaj jipañe ñan an kijenmej.
