Kõjerbal kõmel̦el̦e ko rejim̦we im m̦ool. Naan ko am̦ ren pedped wõt ioon Naanin Anij, im kajjioñ in riit jãne ñe kwõmaroñ. Ñe kokõn̦aan kwal̦o̦k juon mel̦el̦e kõn menin kõm̦anm̦an ko, kõn juon nuuj, kõn bwebwenatoun juon armej, ak kwal̦o̦k bar juon kein kam̦ool, em̦m̦an ñe kwõj etali m̦okta ñe rejim̦we im rej m̦ool wõt.

En jim̦we am̦ kwal̦o̦k kõn mel̦el̦e ko. Kõjparok bwe wãween am̦ kõmel̦el̦e kõn eoon ko en jab idaaptõk ippãn eoon ko jet ilo jebta eo kwõj riit jãne kab ennaan eo el̦ap ilo Baibõl̦ im katak ko ilo bok ko jãn ‘ri-karejar eo etiljek im mãlõtlõt.’ (Matu 24:45) Ñe kwõnaaj kõjerbal kõmel̦el̦e ko jet jãn ilikin doulul in, kõjparok bwe am̦ kõmel̦el̦e kaki en jab oktak jãn mel̦el̦e ko an armej eo ear jei.

Jipañ armej ro ñan tõmak kõmel̦el̦e ko rejim̦we. Ãlikin am̦ riiti juon eoon ak kwal̦o̦k kõn juon kõmel̦el̦e, ilo kautiej kwal̦o̦k jet kajjitõk ak kõm̦m̦an an lukkuun alikkar boin eo ñan jipañ armej ro bwe ren make kile im loe mel̦el̦e eo ejim̦we.