Gĩntũ ta mĩaka 2,000 ĩkũrũkĩte, Jesũ naarorerie atĩ, ‘gũkagĩta ithingithia bia nthĩ bibinene.’ (Luka 21:11) Nĩkĩ biugo bia Jesũ birĩ bia bata mono mono ntukũne cietũ? Thũgaanĩria ũrĩa ithingithia bimwe bia nthĩgũrũ birĩa bikarĩkĩte rua bitũmĩte antũ bathangĩka:

•   Agasti 15, 2026—Naarĩa Indonesia kwinaina gũkũnene kwa nthĩ kũrĩ na kĩthimi kĩa 7.7 nĩgwakarĩkĩre na antũ ta 68 bakua

•   Agasti 10, 2026—Naarĩa Colombia kwinaina gũkũnene kwa nthĩ kũrĩ na kĩthimi kĩa 7.4 nĩgwakarĩkĩre na antũ ta 294 bakua

•   Juni 24, 2026—Naarĩa Venezuela ithingithia bia nthĩ birĩ na kĩthimi kĩa 7.2 na 7.5 nĩbiakarĩkĩre na antũ ta 6,301 bakua

•   Juni 8, 2026— Naarĩa Philippines kwinaina gũkũnene kwa nthĩ kũrĩ na kĩthimi kĩa 7.8 nĩgwakarĩkĩre na antũ ta 106 bakua

Nĩatĩa biugo bia Jesũ bitwegie?

 Jesũ aaugĩre atĩ rĩrĩa mantũ manna jarĩngĩkarĩka ta, “kwinaina kwa nthĩgũrũ gũntũ mwanya mwanya” bũu bũrĩngĩonania atĩ tũrĩ ‘mũthirĩkĩrione jwa mũtaratara jũjũ jwa mantũʼ kana ‘ntũkũne cia mũthiro.’ —Mathayo 24:3, 7; 2 Timotheo 3:1.

•   Nĩkenda wona ũrikithia nkũrũki atĩ tũrĩtũũra ĩgiitene rĩu Jesũ aarĩrĩĩrie, thoma gĩcuncĩ kĩrĩ na kĩongo “Ni Nini Ishara ya ‘Siku za Mwisho’?”

 Kũũjũrua kwa biugo bia Jesũ biegie ‘ntukũ cia mũthiro’ nĩgũgũtwaa gĩtũmi gĩa kwĩrĩgĩĩra ĩgiita rĩĩjĩte rĩrĩega tontũ kinya naaugĩre ũjũ: ‘Rĩrĩa bũkoona mantũ jau jonthe jagĩkarĩka bũmenye atĩ Ũnene bwa Mũrungu bũrĩ akuĩ.’ (Luka 21:31) Ĩgiita rĩtĩ kũraaja, Ũnene bwa Mũrungu bũkeberia mantũ jonthe jarĩa jagũtũma antũ bathangĩka ta ja kwinaina kwa nthĩgũru, na bũtũme twĩthĩrwe na thĩĩrĩ ĩtĩna mũthia.—Isaya 32:18; Kugwurirwa 21:3, 4.

•   Nĩkenda wiritana nkũrũki bwegie wĩrĩgĩĩro bũu ona vidio ĩjĩ, Ũnene Bwa Mũrungu Nĩmbi?