AGWATANI ŨGENI Ngũgĩ ya agwatani ũgeni nĩ gũgũtethia. Itũ bu gwatanĩra nabo buru na ũthingate mwerekera jũrĩa bagakwa jwegie kwa gwĩka ngarĩ, kũgwata itĩ na mantũ jangĩ.

ŨBATITHIO Itĩ bia barĩa bakabatithua bigekwa akuĩ na njukwaa, nonga kwĩthĩrwe kwonanĩtue ũngĩ. Barĩa bonthe bakabatithua babuĩrĩte kwĩthĩrwa bakari nthĩ antũ au Jumamosi rũkĩĩrĩ mbere ya rwaria rwa ũbatithio rwambia. O ũmwe waao abuĩrĩte kwĩja na taurũ na ngũu irĩa ageekĩra ĩgiita rĩa ũbatithio.

MĨŨTHI Mbeca inyiingĩ nitumĩkĩte kũthuranĩra kwa gũkara nthĩ, mĩtambo ya kaajũ na vidio na mantũ jangĩ jarĩa jagatũtethia kũgwĩrĩrua kĩgomano na gũkuĩĩria Jehova. Mũũthi jwaku jwa gũciendera nĩjũtethagĩĩria kũrũngamĩĩra ngarama iu na kũgwata mbaru ngũgĩ ya nthĩgũrũne yonthe. Kũrĩ na tũthandũkũ twa mĩũthi tũrĩa twĩki gũntũ mwanya mwanya kĩenine gĩkĩ tũrĩa ũũmba gũtumĩra. Ĩndĩ kwombĩka, itũ bu tũma mũũthi jwaku gũkũrũkĩĩra donate.jw.org. O kĩonthe kĩrĩa ũkarita kĩgatethia mono. Kĩama Kĩrĩa Gĩtongagĩĩria nĩbakũbũcokeria nkaatho mono tontũ bwa kũgwata mbaru ngũgĩ ya Ũnene.

ŨRIGITANI Itũ bu menya atĩ mũbango jũjũ nĩ jwa mantũ jarĩa akĩ jaumĩra kĩgomanone jatĩĩrĩgĩĩri.

BIRĨA BIŨRĨTE NA BIONEKA O gĩntũ kĩonthe kĩrĩa ũtĩkũmenya mwene, giikie kĩrĩ Rwangˈi rwa Birĩa Biũrĩte na Bioneka. Kethĩra kũrĩ na gĩntũ gĩaku kĩũrĩte, ĩta kĩrĩ rwangˈi rũu ũgĩtege. Aana barĩa batijĩ narĩa aciari baao barĩ, kana baũrĩte babuĩrĩte gwikua kĩrĩ rwangˈi rũrũ. Ĩndĩ nĩkenda tũtĩgatũme antũ bangĩ bacumbũka, itũ bu tigĩĩra atĩ nũkũmenya narĩa aana baaku barĩ na ũkare nabo.

ITĨ Itũ bu thũgaanĩria bangĩ. Riikana atĩ ũbuĩrĩte kũgwata itĩ tontũ bwa antũ ba nja yaaku, barĩa bwĩjanĩtie nabo, barĩa bũgũkaranĩria nabo kana aritwa baaku ba Bibiria. Itũ bu menya wĩka into gĩtĩne kethĩra gũtĩ muntũ ũgwatĩrĩte.

GŨTETHERIA Kethĩra wenda gũtetheria kĩrĩ ngũgĩ imwe irĩa ikaritwa kĩgomanone gĩkĩ, itũ bu ĩta kĩrĩ Rwangˈi rwa Kũmenya Mantũ Nkũrũki na Gũtetheria.

Kĩthuranĩri nĩ Kĩama Kĩrĩa Gĩtongagĩĩria kĩa Akũũjĩ ba Jehova