Yo testigo e Jehová søø ra mbøxkʼꞹge ngekʼua ri pjechʼi kʼo jizhi ne Biblia. Ne curso kʼꞹ ri unꞹjme søø ra mbøxkʼꞹge ngekʼua ri pa̱rge:

•   Ja rgi mⱥkje rgi minkʼe.

•   Ja rgi joge ko e Mizhokjimi.

•   Yo promesa kʼo xitskøji ne Biblia ke ra cumple e Diosi.

Kja ne página ra trjꞹrꞹjme nujyo trʼønꞹ:

•  ¿Ja ga kjaa ne curso bíblico kʼꞹ unꞹji yo testigo e Jehová?

•  ¿Ni jyodʼꞹ pje ra kjontrʼꞹ?

•  ¿Janzi ra mezhe?

•  ¿Pje mbe kʼo otrʼꞹ ra kjagø?

•  ¿Søø ra pɇsʼigø dʼa clase de prueba?

•  Ma ra sⱥkjø ne curso, ¿pɇski ra kjagø testigo e Jehová?

•  ¿Søø ra xørꞹgø ko ne Biblia ke ri pɇsʼigø?

•  ¿Kjo søø ra mbitagø xe dʼaja nte kja ne curso?

•  Ma ya ro xørꞹgø ko yo testigo e Jehová mi jingua, ¿kjo søø ra xørꞹgøma na yeje?

•  Ma dya ri negø kjo ra jitskø, ¿søø ra xørꞹtsjɇ?

 Dʼa xøpꞹnte ra jitsʼi nzi dʼaja yo tema bíblico. Ko ne curso interactivo de la Biblia ¡Me ri mⱥjⱥ rgi mimi texe yo paa!, jmanchʼa rgi pjechʼi yo mama ne Biblia ñe ja rga søø ra mbøxkʼꞹgeyo. Ma xe gi nee ri pa̱ra̱, jñanrra ne video.

 Iyo. Yo ri testigojme e Jehová ri kjagøjme kʼo e Jesús go manda o discípulo: “Go chʼakʼꞹtrjoji, ngekʼua ri unꞹgeji dya pje ri cobraji” (Mateo 10:8). Xo ñeje, søø ra dyakʼꞹji dʼa Biblia ñe na libro ke ni chju̱u̱ ¡Me ri mⱥjⱥ rgi mimi texe yo paa! Dya pje ri tsjontrʼꞹ.

 Kja ne curso ri xørꞹ 60 lecciones. Ngetsʼkʼe ri mange janzi lección ri xørꞹ. Na punkjꞹ ntee nee ra xørꞹji dʼaja o yeje lección nzi na ngoo.

1.  1. Jñu̱sʼꞹge yo ni jyodꞹ kja nu formulario kja internet. Nu información ngextrjo ra usajme ngekʼua na testigo e Jehová ra søø ra mbøxkʼꞹ.

2.  2. Kʼe ntee kʼꞹ ra jitsʼi pje mama ne Biblia ra zokʼꞹ kja teléfono. Ra xitsʼi ja ga kjaa ne curso interactivo ñe xo ra nrrꞹrꞹ yo trʼønꞹ kʼꞹ ri tsjapꞹ.

3.  3. Ri ñage ni xøpꞹnte ngekʼua ri tsejmebi ja rgi tsjapꞹbi. Søø ra jitsʼiji kja in nzunge, kja teléfono, kja videollamada, kja correo electrónico xo ñeje por carta. Ne clase søø ra mezhe dyechʼa minuto, dʼaja hora o nu ndajme ke gi nege.

 Ja̱a̱. Ma gi negekʼo jñu̱sʼꞹge yo ni jyodꞹ kja nu formulario kja internet. Ma kʼe xøpꞹnte ra zokʼꞹ, xipjige ngextrjo gi nege nu clase de prueba. Ngekʼua ri xørꞹbi ko ne folleto ¡Me ri mⱥjⱥ rgi mimi texe yo paa!, kja ne folleto ba e̱je̱ yo otrʼꞹ jñii lecciones kja ne curso.

 Iyo. Yo testigo e Jehová me mⱥji nga jichiji yo ntee pe dya ra tsjakʼꞹji a fuerza ri tsjage testigo e Jehová mꞹ dya gi nege. Angezeji respetaoji texe yo ntee, zø jizhiji yo mama ne Biblia, jɇziji ke nzi dʼaja ntee ra juajnꞹji yo ra creoji. (1 Pedro 3:15).

 Ja̱a̱. Søø ri xørꞹge yo texto kja ne Biblia ke gi nege. Yo ri testigojme e Jehová ri usajme nu Traducción del Nuevo Mundo —kʼꞹ ngeje exacta ñe dya nda ga sʼɇzhi ra tendioji yo mama—, pe ri pa̱rgøjme ke na punkjꞹ ntee nee ra xørꞹji yo texto kja ne Biblia kʼꞹ pɇsʼiji.

 Ja̱a̱. Søø ri zojnꞹge texe in pjamiliage ñe yo ntee yo gi joge.

 Ja̱a̱. Nudya, bʼꞹma mazi ra gustatsʼꞹ. A nʼañodya ne curso na ngeje ma go xampjꞹji go pjøtpꞹji nguenda yo ni jyodꞹdya yo ntee. Ngeje interactivo, ba e̱je̱ na punkjꞹ video ñe kuatrʼꞹ na punkjꞹ dibujo, dya ma kjano yo curso yo mi unꞹji mi jangua.

 Ja̱a̱. Bʼꞹnkʼo neji kjo ra jichiji ngekʼua ra meyaji na joo, pe xo bʼꞹbʼꞹ kʼo nee ra xørꞹtsjɇji. Kja ne sección “Ayudas para estudiar la Biblia” ri chøtrʼꞹ na punkjꞹ herramienta kʼꞹ ra mbøxkʼꞹge ri meya kʼo mama ne Biblia. Nzakja:

•   Videos sobre la Biblia. Dya nrra ga mezhe nujyo video, ma ri jñanrrayo søø ri pjechige yo enseñanza básica kja ne Biblia.

•   Yo trʼønꞹ kja o Jñaa e Yose. Kja ne sección ri chøtrʼꞹ artículo kʼo trjꞹrꞹji na punkjꞹ trʼønꞹ bíblica.

•   Textos bíblicos explicados. Ne sección ra mbøxkʼꞹ ri meya na punkjꞹ frase ñe texto yo ba e̱je̱ kja ne Biblia.