Ja kʼo ga nrrꞹrꞹ ne Biblia yo trʼønꞹ
¿Bʼɇmi søø ra perdonaozꞹji in pecadoji?
Søø ra mⱥpⱥgøji e Diosi
Ne Biblia jizhi ke texe yo ri ntegøji ri kjagøji nzhꞹbʼꞹ. E Adán, kʼꞹ otrʼꞹ in tarazgøji o zøkꞹzꞹji ne pecado. Ngekʼua, bʼꞹbʼꞹ ma ri kjaji kʼo na sʼoo kjanu ri unkʼøji nguenda ke dya ga joo. E Jesucristo kʼꞹ nu Trʼii e Diosi, o nrru̱u̱ ngekʼua ro ngontrʼꞹ in nzhꞹbʼꞹji. Kʼo o tsjaa me ni mubi na nge a kjanu søø ra perdonaozꞹji. Kʼe sacrificio ngeje dʼa regalo ke chʼarkꞹgøji e Diosi. ( Xørꞹ Romanos 3:23, 24.)
Kjo me go tsjaji yo pecado kʼo me nan sʼoo ønꞹji mꞹ dʼa nu paa e Diosi ra perdonaoji. Ne Biblia jizhi: “Nu kjii e Jesús kʼꞹ nu Trʼii trjinskiji texe in nzhꞹbʼꞹji” (1 Juan 1:7). Ngekʼo, e Jehová me mⱥⱥ nga perdonao nu kʼo o tsjaji kʼo me nan sʼoo, ma bʼɇmi nzhogꞹji ko texe o mꞹbʼꞹ. ( Xørꞹ Isaías 1:18.)
¿Pje ni jyodꞹ ra kjaji ngekʼua e Diosi ra perdonaozꞹji?
Ma ri negøji ke e Jehová ra perdonaozꞹji, ni jyodꞹ ra pa̱rgøji angeze: pje xkʼo kjaa xo ñe ja ga kjaa o consejos ñe o normas (Juan 17:3). E Jehová na kjuana perdonao nrrexe o pecado yo ntee kʼo bʼɇmi nzhogꞹ o mꞹbʼꞹ ñe jɇziji kʼo na sʼoo. (Xørꞹ Hechos 3:19.)
Søø ra mⱥpⱥgøji e Diosi. Angeze tendio ke ri imperfectogøji. E Jehová me na jonte ñe me juɇntskøji. ¿Kjo dya gi negema sido ri pjechi o ja rgi tsjapꞹ ngekʼua ri pɇsʼi o aprobación? ( Xørꞹ Salmo 103:13, 14.)
