NDONGOKOLO 8
Bifwani bilongesaka
Matie 13:34, 35
MU BUKUFI: Sarila bifwani bilembolo mpasi mu bakula mu tomesa ndongosolo’aku, mu tâ nsayi kwe bantu bata ku wâ na mu longesa mabanza ma mfunu.
MPILA YA SARILA:
-
Sola bifwani bilembolo mpasi. Ntiana Yezu, sarila bima bia fioti mu bangula bima bia binene, mpe sarila bima bilembolo mpasi mu bangula bima bia mpasi. Kuyikandi mabanza malembolo salu, makotesa vwanzi mu tifwani tiaku. Bâ na lukwikulu ti mabanza ma tifwani tiaku mbo makwelana na ndongosolo yita zolo hana mu lembo wubakasa bantu mu mabanza malembolo ma delakana.
-
Banza ndandu zi baka bantu bata wâ. Sola bifwani bita tarila bisalu na misamu mi vulu yirikaka bantu bata ku wâ. Sa keba mu lembo sarila bifwani bibaniongesa peleko bibafwemesa.
-
Longesa diambu dia mfunu. Tula mutima mu bifwani bia mabanza ma nguri, ka mu misamu mia fioti fioti’â ko. Bâ na lukwikulu ti bantu bata ku wâ ka babambukila kwa tifwani tiaku ko, kâ na ndongosolo yi hana.
