DILONGI 19
Sala ngolo samu na kusimba bantima ya bantu
Bingana 3:1
NA NKUFI: Sadisa bantu yina kena kuwa nge babakusa mambu yina bakena kuwa mpe basadila yau.
MUTINDU YA KUSALA YAU:
-
Sadisa bantu yina kena kuwa nge bakukitadila. Yuvusa biuvu yina ketinda bantu bakukitadila samu na kuzaba kana yinki mpenza bakena kukanisa na bantima.
-
Kindisa bantu basala mambu ya mbote. Kindisa bantu yina kena kuwa nge bakukiyuvusa samu na yinki bakesalaka mambu ya mbote. Sadisa bau bavuanda na makanisi ya mbote—bazola Yehova, bazola bamfinangani na bau, mpe bazola malongi ya Biblia. Sadisa bantu yina kena kuwa nge bamona nduenga ya mambu yina Biblia metubila; kutemina bau ve. Na kisika ya kufuisa bau nsoni, na nsuka ya disolo na nge sadisa bau babaka lukindusu mpe basala yina bakele na makoki ya kusala.
-
Benda dikebi ya bantu na Yehova. Monisa mutindu malongi, bansikudukusu, mpe bansiku ya Biblia kemonisaka bikadulu ya Nzambi mpe nzola na yandi samu na beto. Sadisa bantu yina kena kuwa nge bakuma na nsatu ya kutadila banguilu ya Yehova mpe basepedisa yandi.
