Go dayrɛkt to di men tin

Myuzik dɔn Prez Gɔd fɔ Lɛk Ɔndrɛd Ia Naw

Myuzik dɔn Prez Gɔd fɔ Lɛk Ɔndrɛd Ia Naw

“A want mek yu go na Kolombia Studio insay Nyu Yɔk Siti ɛn siŋ wan pan wi im dɛn. Dɛn go rɛkɔd am fayn. Nɔ tɛl ɛnibɔdi bɔt wetin yu de du.”

Wiliam Mɔkrij

Insay di ia 1913, Brɔda Chals Tez Rɔsɛl bin tɛl Wiliam Mɔkrij fɔ du dis wok we i nɔ blant du. * Di siŋ we pipul dɛn bin sabi as “The Sweet By-and-By,” dɛn bin mek am as 78-rpm rɛkɔd. Leta, Wiliam bin kam fɔ no se na dis siŋ dɛn go yuz fɔ stat di “Photo-Drama of Creation.” Dis fim na pikchɔ dɛn we dɛn rɛkɔd Baybul tɔk dɛn ɛn myuzik pan. Dɛn bin de sho am as slayd. Di fɔs tɛm we dɛn ple di “Photo-Drama,” na insay Janwari 1914.

I pas 50 siŋ dɛn we gramafon ɔpretɔ dɛn bin yuz we dɛn bin de ple di “Photo-Drama” pan Inglish na difrɛn say dɛn. Di siŋ we Wiliam bin siŋ na bin wan pan di siŋ dɛn we dɛn yuz. Dɛn bin de yuz bɔku myuzik dɛn we ɔda pipul dɛn bin dɔn mek, sɔm pan di wan dɛn we dɛn bin de yuz na di wan dɛn we di Baybul Studɛnt dɛn bin gri fɔ mek Wiliam yuz di Hymns of the Millennial Dawn fɔ siŋ. Dis im buk na bin wan pan dɛn siŋbuk dɛn.

Dɛn Pe Atɛnshɔn to di Wɔd Dɛn

Fɔ lɔng tɛm, Jiova Witnɛs dɛn bin dɔn de yuz siŋ dɛn we ɔda pipul dɛn mek. We nid de, dɛn kin chenj sɔm wɔd dɛn fɔ fit di tin dɛn we dɛn dɔn lan frɔm di skripchɔ dɛn.

Fɔ ɛgzampul, wan pan di siŋ dɛn we dɛn yuz fɔ di “Photo-Drama” bin gɛt di taytul, “Our King Is Marching On.” Dɛn pul dis siŋ frɔm di siŋ we nem, “Battle Hymn of the Republic.” Di fɔs vas na di “Battle Hymn,” bigin wit: “Mine eyes have seen the glory of the coming of the Lord.” Bɔt di Baybul Studɛnt dɛn chenj di wɔd dɛn to: “Mine eyes can see the glory of the presence of the Lord.” Dis chenj we dɛn mek jɔs fit wetin dɛn biliv fɔ se Jizɔs Krays in rul nɔ go jɔs min in kam wan bɔt di tɛm we i go de na ya fɔ sɔm tɛm.Matyu 24:3.

We dɛn mek di buk we nem, Singing and Accompanying Yourselves With Music in Your Hearts insay di ia 1966, dɛn pul ɔl di siŋ dɛn we ɔda pipul ɛn ɔda rilijɔn dɛn mek. Insay da ia de, dɛn mek smɔl ɔkɛstra ɛn dɛn rɛkɔd ɔl di 119 siŋ dɛn we de insay di buk. Di kɔngrigeshɔn dɛn bin de yuz di rɛkɔdin dɛn we dɛn de siŋ na mitin, ɛn sɔm dɛn kin lɛk fɔ lisin dɛn na os.

Insay 2009, Jiova Witnɛs dɛn mek wan nyu siŋbuk we nem, Sing to Jehovah. Dɛn dɔn rɛkɔd di we aw dɛn siŋ dɛn siŋ dɛn ya insay bɔku bɔku langwej dɛn. Insay 2013, dɛn bigin fɔ mek dɛn fɔs pikin myuzik fim dɛn. Wan pan dɛn na, Pray Anytime. Di wan dɛn we kin go na jw.org kin dawnlod dɛn siŋ dɛn ya bɔku bɔku tɛm insay di mɔnt.

Bɔku pipul dɛn dɔn tɔk bɔku bɔt di lɛk we dɛn lɛk dis myuzik. Wan uman we nem Juli bin rayt bɔt di Sing to Jehovah. I bin tɔk se: “Di nyu siŋ dɛn rili fayn! We mi wangren kin de, a kin ple di wan dɛn we kin tɔk bɔt aw a rili de fil. Dat kin mek a no se mi padi biznɛs wit Jiova de tayt mɔ ɛn mɔ ɛn a dɔn mekɔp mi maynd fɔ gi am ɔl mi bɛst.”

Wan mama we nem Ɛda bin rayt sɔntin bɔt aw di fim we nem, Pray Anytime dɔn ɛp in tu pikin dɛn we ol sɛvin ɛn nayn ia. I bin tɔk se: “I dɔn mek nɔto we dɛn wek nɔmɔ dɛn de pre ɔ we dɛn de wit wi, bɔt dɛn de pre ɛnitɛm we dɛn want fɔ tɔk to Jiova.”

^ par. 3 Chals Tez Rɔsɛl bin de ɛd di Baybul Studɛnt (Jiova Witnɛs dɛn) frɔm di ia (1852–1916).