Go dayrɛkt to di men tin

Go dayrɛkt to di say we di difrɛn difrɛn atikul dɛn de

Yu De Go Bifo wit Jiova in Ɔganayzeshɔn?

Yu De Go Bifo wit Jiova in Ɔganayzeshɔn?

“Gɔd, we na wi Masta, in yay de pan dɛn pipul we de du rayt.”—1 PIT. 3:12.

1. Us ɔganayzeshɔn Jiova bin put in blɛsin pan we i pul an pan di Izrɛlayt dɛn? (Luk di pikchɔ nia dis atikul in taytul.)

NA JIOVA bigin di Kristian kɔngrigeshɔn insay di apɔsul dɛn tɛm, ɛn na in bak mek tru wɔship de tide na wi yon tɛm. As wi bin lan na di las atikul, Jiova bin pul an pan di Izrɛlayt dɛn bikɔs dɛn bin tɔn dɛn bak pan am, ɛn i put in blɛsin pan wan nyu ɔganayzeshɔn we na Krays in disaypul dɛn bin de de. Gɔd bin so lɛk dis nyu ɔganayzeshɔn dat, i bin mek natin nɔ du am we di Roman dɛn bin kam fɔ pwɛl Jerusɛlɛm insay di ia 70. (Lyuk 21:20, 21) Dɛn tin ya we bin apin to dɛn Kristian dɛn trade, de sho wetin gɛt fɔ apin to Jiova in savant dɛn tide. I nɔ go te igen, Setan ɛn ɔl di wan dɛn we de biɛn am nɔ go de igen, bɔt natin nɔ go du Gɔd in ɔganayzeshɔn we di wɔl go dɔn. (2 Tim. 3:1) Wetin mek wi shɔ se dis tin go apin?

2. Wetin Jizɔs bin se bɔt “di trɔbul” we gɛt fɔ apin? Aw i go bigin?

2 We Jizɔs bin de tɔk bɔt wetin go apin we di wɔl want dɔn, i bin se: “Di trɔbul we go bi da tɛm de go pas ɔl di wan dɛn we dɔn bi, frɔm di tɛm we Gɔd mek di wɔl sote naw, ɛn da kayn trɔbul de nɔ go bi igen.” (Mat. 24:3, 21) Dis big trɔbul we nɔ wan de bi yet, go bigin we Jiova dɔnawe wit “Babilɔn  we ɔlman no,” we na ɔl di lay lay rilijɔn dɛn we de na di wɔl. Aw i go du dat? I go yuz di gɔvmɛnt dɛn na di wɔl fɔ dɔnawe wit dɛn. (Rɛv. 17:3-5, 16) Wetin go apin afta dat?

AMAGƐDƆN GO KAM WE SETAN TRAY FƆ FƐT JIOVA IN PIPUL DƐN

3. Afta dɛn go dɔn dɔnawe wit ɔl di lay lay rilijɔn dɛn, us bad tin Setan go want fɔ du to Jiova in pipul dɛn?

3 Afta Jiova go dɔn yuz di gɔvmɛnt dɛn na di wɔl fɔ dɔnawe wit ɔl dɛn lay lay rilijɔn dɛn, na Jiova Witnɛs dɛn nɔmɔ go bi di wangren rilijɔn we go de na di wɔl. So Setan ɛn ɔl di wan dɛn we de biɛn am go kam fɔ fɛt Jiova in savant dɛn. Fɔ ɛgzampul, we di Baybul de tɔk bɔt “Gɔg” we de na Megɔg, i se: “Yu go go bifo, de go lɛk wan big big tinada wit ren, yu go bi lɛk wan klawd we de kɔba di kɔntri, yu ɛn ɔl yu krawd dɛn, ɛn di bɔku pipul wit yu.” Bikɔs Jiova Witnɛs dɛn nɔ gɛt sojaman dɛn ɛn dɛn na pipul dɛn we nɔ lɛk fɛt fɛt biznɛs, i go tan lɛk se i izi fɔ dɔnawe wit dɛn. Bɔt dat na big big mistek we dɛn go mek!—Izi. 38:1, 2, 9-12.

4, 5. Wetin Jiova go du we Setan tray fɔ dɔnawe wit in pipul dɛn?

4 Wetin Gɔd go du we Setan tray fɔ dɔnawe wit in pipul dɛn? Jiova go sev dɛn ɛn sho ɔlman se na in gɛt di rayt fɔ rul di wan ol wɔl. We Setan ɛn ɔl di wan dɛn we de biɛn am go tray fɔ fɛt Jiova in pipul dɛn, Jiova go tek am se na insɛf sɛf Setan de tray fɔ fɛt. (Rid Zɛkaraya 2:8.) So wi Papa we de na ɛvin, go du sɔntin wantɛm wantɛm fɔ sev wi. Dɔn, i go dɔnawe wit ɔl di pipul dɛn we de biɛn Setan, insay wan wɔ we dɛn kɔl Amagɛdɔn. Dis na “di wa we go bi da big de we Gɔd, we gɛt pawa pas ɔl, go sho in pawa.”—Rɛv. 16:14, 16.

5 We di Baybul de tɔk bɔt Amagɛdɔn, i se: “Gɔd gɛt kes agens di neshɔn dɛm; i de bigin kes wit ɔlman na [di] wɔl, ɛn as fɔ di wikɛd pipul dɛm, i go kil dɛm. Na so PAPA GƆD se.” Papa Gɔd we na di Ɔlmayti tɔk bak se, ‘A de tɛl una, ivul dɔn bigin frɔm wan neshɔn to ɔda neshɔn, ɛn big tinada de kam frɔm di fa pat dɛm na di wɔl! Ɛn di wan dɛn we a go kil da de de, go de frɔm wan say na di wɔl to di ɔdasay. Nɔbɔdi nɔ go kray fɔ dɛm, ɔ gɛda dɛm ɔ bɛr dɛm; dɛn go tɔn manyɔ na di grɔn.’ (Jɛr. 25:31-33) Amagɛdɔn go mek ɔltin na Setan in wɔl dɔn kpatakpata. Bɔt natin nɔ go du di pat pan Jiova in ɔganayzeshɔn we de na dis wɔl.

WETIN MEK DI PIPUL DƐN NA JIOVA IN ƆGANAYZESHƆN DE BƆKU TIDE?

6, 7. (a) Usay di bɔku bɔku pipul dɛn we gɛt fɔ sev, go kɔmɔt? (b) Wetin de sho se di pipul dɛn na Gɔd in ɔganayzeshɔn de bɔku dɛn biɛn tɛm ya?

6 Di pipul dɛn na Gɔd in ɔganayzeshɔn de bɔku bikɔs Gɔd de sɔpɔt dɛn. Di Baybul se: “Gɔd, we na wi Masta, in yay de pan dɛn pipul we de du rayt.” (1 Pit. 3:12) Di wan dɛn we de du wetin rayt, go bi di “bɔku bɔku pipul” dɛn we bin “tinap traŋa wɛn da big trɔbul bin fɔdɔm.” (Rɛv. 7:9, 14) Di Baybul nɔ jɔs tɔk se di pipul dɛn we go sev, “bɔku,” bɔt i se na “bɔku bɔku pipul” go sev. Dis de sho se di wan dɛn we gɛt fɔ sev, go rili plɛnti. Yu de si yusɛf wit di wan dɛn we go sev we “da big trɔbul” go kam?

7 Di bɔku bɔku pipul dɛn we gɛt fɔ sev, go kɔmɔt na ɔl di neshɔn dɛn na di wɔl. Na di prichin wok de gɛda dɛn togɛda. Jizɔs bin se: “Pipul go tɛl ɔlman na [di] wɔl di Gud Nyuz bɔt wɛn Gɔd go rul di wɔl, so dat ɔlman go gɛt di chans fɔ yɛri ɛn biliv di Gud Nyuz; na da tɛm de di wɔl go dɔn.” (Mat. 24:14) Insay dis tɛm  we wi de so, we di wɔl want fɔ dɔn, na dis na di men wok we Gɔd in ɔganayzeshɔn de du. Bikɔs Jiova Witnɛs dɛn de prich ɛn tich ɔlsay na di wɔl, bɔku bɔku pipul dɛn dɔn kam fɔ lan aw fɔ wɔship Gɔd “di rayt we.” (Jɔn 4:23, 24) Fɔ ɛgzampul, frɔm di ia 2003 to 2012, i dɔn pas lɛk 2,707,000 pipul dɛn we dɔn baptayz fɔ sho se dɛn dɔn gi dɛn layf to Gɔd. Tide, i dɔn pas 7,900,000 Jiova Witnɛs dɛn we de ɔlsay na di wɔl, ɛn ɛni ia bɔku bɔku pipul dɛn kin kam di Mɛmorial fɔ mɛmba Jizɔs in day. Dɛn nɔmba ya nɔ de mek wi fil prawd bikɔs na Gɔd de mek wi de bɔku. (1 Kɔr. 3:5-7) Wi de si klia wan se di pipul dɛn we gɛt fɔ sev, de bɔku mɔ ɛn mɔ ɛvri ia.

8. Wetin mek pipul dɛn de bɔku na Jiova in ɔganayzeshɔn tide?

8 Jiova in savant dɛn rili de bɔku bikɔs i de sɔpɔt dɛn. (Rid Ayzaya 43:10-12.) Di Baybul bin dɔn tɔk bɔt dat lɔn lɔn tɛm, we i bin se: “Di las wan go bi ɛkstɛndɛd famili, ɛn di wan we smɔl pas ɔl go bi wan big big neshɔn; Mi na PAPA GƆD; we di tɛm rich, A go mekes du am.” (Ayz. 60:22) Trade, di anɔyntɛd dɛn we na “Gɔd in pipul dɛn” bin “smɔl,” bɔt Jiova blɛs dɛn prichin wok. Ɛn dɛn bigin bɔku we ɔda anɔyntɛd Kristian dɛn kam insay Gɔd in ɔganayzeshɔn. (Gal. 6:16) As tɛm de go, bɔku bɔku ɔda pipul dɛn we gɛt di op fɔ de na Paradays, kam fɔ wɔship Jiova.

WETIN JIOVA WANT LƐ WI DU?

9. Wetin wi fɔ du if wi want fɔ ɛnjɔy di tumara bambay we Gɔd in Wɔd dɔn prɔmis?

9 Gɔd in Wɔd dɔn prɔmis wi se wi ɔl go ɛnjɔy tumara bambay, ilɛksɛf wi na anɔyntɛd ɔ na Paradays wi gɛt fɔ de. Bɔt fɔ mek dat apin, wi fɔ du wetin Jiova want lɛ wi du. (Ayz. 48:17, 18) Fɔ ɛgzampul, Jiova bin want lɛ di Izrɛlayt dɛn obe in Lɔ. Wan rizin we mek Jiova bin gi di Izrɛlayt dɛn di Lɔ na fɔ protɛkt dɛn. Di Lɔ bin de tɛl dɛn nɔ fɔ liv fri layf ɛn nɔ fɔ kruk we dɛn de du biznɛs. I bin de sho dɛn bak aw fɔ tren dɛn pikin dɛn, aw fɔ trit dɛn kɔmpin mɔtalman, ɛn aw fɔ du ɔda tin dɛn. (Ɛks. 20:14; Lɛv. 19:18, 35-37; Dit. 6:6-9) Jɔs lɛk aw Gɔd in Lɔ ɛn advays dɛn bin protɛkt di Izrɛlayt dɛn na so wisɛf go bɛnifit if wi obe Gɔd in lɔ dɛn. Ɛn wi no se Gɔd in lɔ dɛn nɔ tranga fɔ obe. (Rid Jɔn In Fɔs Lɛta 5:3.) We wi obe Gɔd in lɔ dɛn, wi go gladi mɔ ɛn di tin we impɔtant pas ɔl na dat wi go “biliv Gɔd gud gud” wan.—Tay. 1:13.

10. Wetin mek wi fɔ fɛn tɛm fɔ stɔdi di Baybul ɛn du wi Famili Wɔship ɛvri wik?

10 Di pat pan Jiova in ɔganayzeshɔn we de na dis wɔl de go bifo difrɛn difrɛn we dɛn. Fɔ ɛgzampul, wi de ɔndastand di Baybul klia wan naw pas di we aw wi bin ɔndastand am trade. Dis nɔ fɔ mek wi sɔprayz bikɔs di Baybul bin dɔn tɔk se, “di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.” (Prɔv. 4:18) Bɔt i go fayn mek wi aks wisɛf dɛn kwɛstyɔn ya: ‘A no bɔt di nyu we dɛn we wi dɔn kam fɔ ɔndastand sɔm skripchɔ dɛn? A kin rid di Baybul ɛvride? A kin rid ɔl di buk, magazin, ɛn ɔda tin dɛn we kin kam? A de yuz wan ivintɛm insay di wik fɔ du mi Famili Wɔship?’ Bɔku pan wi go gri se dɛn tin ya nɔ tu at fɔ du. Wi jɔs nid fɔ fɛn tɛm fɔ du dɛn. I rili impɔtant fɔ kɔntinyu fɔ stɔdi di tru tin dɛn we de na di Baybul, du wetin yu de lan, ɛn go bifo wit Jiova in ɔganayzeshɔn, mɔ we da big trɔbul nɔ de fa igen!

11. Aw di program dɛn we di Izrɛlayt dɛn bin de gɛt trade bin de bɛnifit dɛn? Aw wisɛf de bɛnifit frɔm wi mitin, asɛmbli, ɛn kɔnvɛnshɔn dɛn?

 11 Jiova in ɔganayzeshɔn de du tin dɛn we de bɛnifit wi. Na dat mek i de ɛnkɔrej wi fɔ du wetin di apɔsul Pɔl bin se. Pɔl bin se: “Lɛ wi nɔ tap fɔ de mit, lɛ wi nɔ fala dɛn pipul we nɔ de gri fɔ go mitin. Bɔt una lɛ wi de kɔrej wi kɔmpin dɛn, mɔ igen we wi no se di De we wi Masta go kam bak de kam jisnɔ.” (Ibru 10:24, 25) Ɛni ia, di Izrɛlayt dɛn bin de gɛt difrɛn program dɛn fɔ wɔship Jiova, ɛn dɛn bin de kam togɛda bak ɔda tɛm dɛn fɔ wɔship Jiova. Dɛn program ya bin de ɛp dɛn fɔ kam nia Jiova mɔ ɛn mɔ. Fɔ ɛgzampul, insay Nɛimaya in tɛm, di Izrɛlayt dɛn bin gɛt wan spɛshal program we dɛn kɔl Bafa Fɛstival. Dɛn kin gladi we dɛn kin gɛt dɛn program ya. (Ɛks. 23:15, 16; Nɛi. 8:9-18) Na di sem we wisɛf kin bɛnifit we wi go wi mitin, asɛmbli, ɛn kɔnvɛnshɔn dɛn. Lɛ wi tray fɔ go ɔl dɛn program ya bikɔs dɛn go ɛp wi fɔ de nia Jiova ɔltɛm ɛn gladi we wi de sav am.—Tay. 2:2.

12. Aw wi fɔ fil bɔt di prichin wok?

12 Wi we de na Gɔd in ɔganayzeshɔn, kin gladi we wi de prich di gud nyus bikɔs di Baybul se na “wɔndaful wok” wi de du. (Rom 15:16) Dis “wɔndaful wok” we wi de du, de mek wi ɛn Jiova, we na “di Oli Wan,” “jɔyn an” fɔ wok. (Ayz. 55:5; 1 Kɔr. 3:9) Dis gud nyus we wi de prich, de mek pipul dɛn sabi Jiova in oli nem ɛn rɛspɛkt am. Na big big ɔnɔ wi gɛt fɔ tɔk bɔt “di Gud Nyuz bɔt di wɔndaful Gɔd.”—1 Tim. 1:11.

13. If wi want fɔ mek wi padi biznɛs wit Jiova kɔntinyu ɛn gɛt layf we go de sote go, wetin wi fɔ du?

13 Gɔd want wetin gud fɔ wi ɔltɛm. Na dat mek i want lɛ wi de nia in ɛn in ɔganayzeshɔn. Mozis bin tɛl di Izrɛlayt dɛn se di “ɛvin ɛn di ath nain witnɛs dɛn se, i bin dɔn gi dɛn chans fɔ pik layf ɔ day, blɛsin ɔ swɛ; ɛn bin advays dɛn fɔ pik layf so dat dɛn jɛnareshɔn dɛn go kɔntinyu fɔ de na dis wɔl ɛn de traŋa wan wit PAPA GƆD.” Mozis kɔntinyu fɔ tɔk se dɛn fɔ sho Papa Gɔd se “dɛn lɛk [am] bay we dɛn de du ɔl wetin i se; bikɔs na da we de dɛn go kɔntinyu fɔ de na dis wɔl ɛn gɛt lɔŋ layf, so dat dɛn go de na di land we PAPA GƆD bin dɔn swɛ to di Izrɛlayt dɛn fɔstɛm-papa dɛn, dat na Ebraam, Ayzak ɛn Jekɔb, se i go gi dɛn.” (Dit. 30:19, 20) Fɔ lɛ wi go ebul fɔ de sote go, wi fɔ du wetin Jiova want, wi fɔ lɛk am, obe am, ɛn de nia am ɔltɛm.

14. Aw wan brɔda bin fil bɔt di pat pan Gɔd in ɔganayzeshɔn we i de si?

14 Wan brɔda we nem Prays Hyuz, we bin de nia Gɔd ɛn In ɔganayzeshɔn ɔltɛm, bin tɔk se: “A rili gladi we a bin dɔn no wetin Jiova want, ivin bifo 1914 . . . Wan tin we impɔtant to mi pas ɔl, na fɔ mek a kɔntinyu fɔ de nia Jiova in ɔganayzeshɔn we a de si. Sɔm tin dɛn we bin apin to mi trade trade dɔn sho mi se i nɔ mek sɛns atɔl fɔ abop pan mɔtalman sɛns. Frɔm we a bin dɔn no dat, a mekɔp mi maynd fɔ de na Jiova in ɔganayzeshɔn te go. No ɔdasay nɔ de we wi go gɛt Jiova in blɛsin pas na in ɔganayzeshɔn.”

KƆNTINYU FƆ GO BIFO WIT GƆD IN ƆGANAYZESHƆN

15. Gi wan ɛgzampul frɔm di Baybul we de sho wi wetin wi fɔ du we dɛn mek chenj pan di we aw wi ɔndastand sɔm tɔpik dɛn na di Baybul.

15 Fɔ lɛ Jiova go blɛs wi ɛn gladi fɔ wi, wi fɔ sɔpɔt in ɔganayzeshɔn ɛn gri wit di nyu we dɛn we di ɔganayzeshɔn de ɛp wi fɔ ɔndastand sɔm skripchɔ dɛn. Tink bɔt dis: Afta Jizɔs bin day, bɔku bɔku Ju pipul dɛn we na bin Kristian, bin gɛt zil fɔ obe  di Lɔ we Gɔd bin gi Mozis, ɛn i nɔ bin izi fɔ lɛ dɛn lɛf fɔ obe da Lɔ de. (Akt 21:17-20) Di lɛta we Pɔl bin rayt to di Ibru Kristian dɛn, bin ɛp dɛn fɔ no se nɔto di sakrifays dɛn we “di Ju Lɔ se dɛn fɔ du” na in go mek dɛn klin bifo Gɔd, bɔt na we Jizɔs Krays “sakrifays in bɔdi.” Ɛn “na wan tɛm nɔmɔ i mek da sakrifays de ɛn di sakrifays gɛt pawa ɔltɛm.” (Ibru 10:5-10) Plɛnti pan dɛn Ju Kristian ya bin fala Pɔl in advays ɛn chenj di we aw dɛn bin de tink. Wisɛf nid fɔ stɔdi gud gud wan ɛn rɛdi fɔ gri wit ɛni chenj we di ɔganayzeshɔn go mek we i kam pan di we aw wi ɔndastand di Baybul ɛn aw fɔ du di prichin wok.

16. (a) Us blɛsin dɛn go mek wi ɛnjɔy fɔ de na di nyu wɔl? (b) Wetin yu go want fɔ du insay di nyu wɔl?

16 Ɔl di wan dɛn we kɔntinyu fɔ de biɛn Jiova ɛn in ɔganayzeshɔn go gɛt in blɛsin sote go. Di anɔyntɛd dɛn we fetful, go ɛnjɔy fɔ bi kiŋ wit Krays na ɛvin. (Rom 8:16, 17) Fɔ di wan dɛn we gɛt di op fɔ de na dis wɔl, dɛn go ɛnjɔy fɔ de na Paradays. Bikɔs wi de insay Jiova in ɔganayzeshɔn, wi kin gladi fɔ tɛl ɔda pipul dɛn bɔt di nyu wɔl we Gɔd dɔn prɔmis! (2 Pit. 3:13) Sam 37:11 se: “Dɛn wan we nɔ tek dɛnsɛf mek natin go gɛt wetin PAPA GƆD prɔmis dɛn ɛn ɛnjɔy pis.” Pipul dɛn ‘go bil os ɛn de de’ ɛn dɛn “go ɛnjɔy wetin dɛn wok fɔ.” (Ayz. 65:21, 22) Nɔbɔdi nɔ go tek advantej pan in kɔmpin igen, po nɔ go de igen, ɛn angri sɛf nɔ go de igen. (Sam 72:13-16) Lay lay rilijɔn nɔ go de igen fɔ tich lay lay tin dɛn bɔt Gɔd. (Rɛv. 18:8, 21) Di wan dɛn we dɔn day go gɛt layf bak ɛn dɛn go gɛt di chans fɔ de sote go. (Ayz. 25:8; Akt 24:15) Ɔl dɛn tin ya na wɔndaful blɛsin dɛn we de bifo ɔl di wan dɛn we dɔn gi dɛn layf to Jiova! Fɔ mek wi go bɛnifit frɔm ɔl dɛn tin ya we di Baybul dɔn prɔmis, wi fɔ kɔntinyu fɔ mek wi padi biznɛs wit Gɔd, tayt mɔ ɛn mɔ, ɛn wi fɔ kɔntinyu fɔ go bifo wit Gɔd in ɔganayzeshɔn ɛn de biɛn am pan ɛnitin.

Yu de si yusɛf na Paradays? (Luk na paregraf 16)

17. Aw wi fɔ fil bɔt Jiova ɛn in ɔganayzeshɔn?

17 Naw we di wɔl want dɔn, i go fayn lɛ wi biliv Gɔd tranga wan ɛn sho se wi rili gladi fɔ di we aw i dɔn arenj fɔ mek wi wɔship am. Na di sem tin Devid insɛf bin du. Insay wan pan in siŋ dɛn, i bin se: “Na wan tin nɔmɔ mi at de pan, ɛn nain a de beg PAPA GƆD fɔ; dat na sote a day, mek a go de wok nain os, so dat a go ɛnjɔy in gudnɛs ɛn a go du wetin i want.” (Sam 27:4) I go fayn mek wi ɔl de biɛn Gɔd, ɛn kɔntinyu fɔ go bifo wit in ɔganayzeshɔn.