Zefania 2:1-15
2 Muhindane haghuma, ee, muyihindanaye,Inywe kihanda ekithehemuka.
2 Ekihamulho kithekyatsuka erikolha,Ekiro kithekyalhaba ng’omusunga,Erihithana lya Yehova erikaghulhumirira lithe lyabahikako,Ekiro ky’erihithana lya Yehova kithe kyabahikako,
3 Musondekanaye Yehova, inywe bosi abolho* b’ekihugho,Abakaghendera okwa mahamulho* wiwe awathunganene.
Musondekanaye erithunganene, musondekanaye obwolho.*
Obundi imwasyabiswa okwa kiro ky’erihithana lya Yehova.
4 Kundi e Gaza yikendisyabya tawuni eyabirisighanibwa;Ne Askeloni yikendisyabya kihuma.
Asidodi yikendisya thibithwako omwa mwisi wa pe,*Na Ekuroni yikendisya kulhwa.
5 “Obulighe okwa b’ikere okwa musike w’engetse, ekihanda ky’Abakereti!
Ekinywe kya Yehova kikabatsweba.
Iwe Kanana, ekihugho ky’Abafilistini, ngendisya kuthoghothya,Ihabya isihakiri mwikalhani wosi-wosi.
6 N’obulhambu bw’omusike w’engetse bukendisyabya lhulisiryo,Okuli ebithehero by’abalisya n’esyonyumba sy’esyombuli esihimbire omwa mabwe.
7 Bukendi syabya bulhambu bw’emisighalira y’enyumba ya Yuda;Bakendi syalira eyo.
Bakendi syakesya omwa manyumba we Askeloni omw’igholho-gholho,
Kundi Yehova Nyamuhanga wabu akendi syabalengekaniako,*Akendi syasubulya abanyewa babu.”
8 “Nabiriowa akakuthyo k’Abamoabu n’akatsambu k’Abaamoni,Ababiritsuma-tsuma abandu baghe n’eriyiheka bathi bakendi nyegha obulhambu bwabu.
9 Busana n’ekyo, ngoku kwenene ngaliho,” Yehova w’amahe athya, Nyamuhanga wa Israeli,“Moabu akendisyabya nge Sodomo,N’Abaamoni nge Gomora,Omwanya owali mw’omwembya, ekyuna ky’omunyu, embwarara kera na kera.
Abasaka okwa bandu baghe bakendisya hungabo,N’emisighalira y’ekihanda kyaghe yikendisya balhusyako ebyabu.
10 Eki kya bakendi syabana omwakanya k’emiyiheko yabu,Kundi mubatsuma n’eriyihamirya okwa bandu ba Yehova w’amahe.
11 Yehova akendisya babera kindu ky’eryubahisya;Kundi akendi syahwerekererya* esyonyamuhanga syosi sy’ekihugho,N’ebizinga byosi by’ebihanda bikendi syam’unamira,*Obuli kighuma omo mwanya wakyo.
12 Nenyu abanya Etiopia, mukendisy’ithibwa omwa muyali waghe.
13 Akendi kakya okuboko kwiwe erilholerya eyighulhu, iniathoghothya e Asuria,Kandi akendi syayira e Ninawe mwa kihuma, eryumyayo ng’embwarara.
14 Ebihyo by’ebisoro bikendi syabbunda omw’iyo, ebisoro by’omoli eby’emisindo yosi.*
Ekirobi ky’okwa ngetse n’endiko bikendi syakesya omwa syonduhi syayo.
Omulenge akendi sy’imbira omw’idirisa.
Hakendi syabya eritsandalikania okwa bwingiriro;Kundi akendi syasukulirya esyombaho sy’emithi y’emierezi.
15 Eyi y’etawuni y’emiyiheko eyabya omwa butheya,Eyabya yikayibwira omwa muthima yithi, ‘Ingye n’ingye, sihali wundi.’
Yabiribya kindu ekik’ubahisaya,Omwanya ogho ebisoro by’omoli bikabbundamu!
Obuli mundu oyukalhaba kuyo akendisya sughunda n’eritsingya-tsingya engumi yiwe.”
